Serchhip khawpui chhung cheimawi dan tur Bawrhsap hovin sawiho

Beautification Committee of District Capital, Serchhip District chu nimin khan an Chairman, Serchhip District Bawrhsap, Sangchhin Chinzah hovin a Office Chamber-ah an \hukhawm a, Serchhip khawpui chhung cheina tura hmalak dan tur an sawiho.
He \hutkhawm Serchhip DC Office Chamber-ah neih hian District Bawrh-sap, Sangchhin Chinzah chuan Serchhip District Capital, Serchhip khawpui chhung cheimawia hmel hmuh nuama siam turin he Committee-a Member te bakah Serchhip mipuite \anrual a \ul thu a sawi a, theihtawp chhuaha kan \anrual chuan tun ai hian Serchhip khawpui chu alo mawiin a thianghlim zawk ngei dawn tih a sawi bawk.
He \hutkhawm a tel te hian Serchhip khawpui chhung hmel alo lan mawi theihna tura hmalakna tur hrang hrang relin, heng zingah hian khawpui chhunga Telephone leh Cable TV hrui hnawk senghawi chungchang te, Tuihawk luankawr mumallo leh khawpui hmel timawilo thei hrang hrang senghawi dan turte an sawiho a. Sawihona neih anih hnu hian hmalakna hmasa atan BSNL leh Cable TV te hrui zam chu awmze nei deuha thlungin pawh \hat nise, he hna hi tun thla chhunga zawh hman tum nise an ti a. Hei bakah hian mitin ten kan hnawmhnawk, In leh a vel tihfai kawngah hma lak nise an ti a, mahni compound leh a vel leh tuihawk luankawr leh tuichhe paihna tihfai a pawimawh thu te pawh sawiho a ni bawk.
Beautification Committee of District Capital, Serchhip District-ah hian Serchhip District Bawrhsap chu Chairman niin District Local Administration Officer (DLAO) chu Member Secretary a ni a, Member-ah hian SP, SDO (Sadar), BDO, PWD, PHE leh P&E Department-a EE \heuh te, BSNL-a SDE te, khawpui chhunga Cable TV Manager te leh Join VC Chairman bakah Sub-Hqrs. YMA President te an tel bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai