Serchhip District Bawrhsap in Sports Stadium sak mek a hmunah tlawhin hnathawh dan a enpui

Serchhip District Bawrhsap, Sangchhin Chinzah chuan nimin khan Serchhip Hmar Veng Sport Complex-a NBCC in UD&PA Department hnuaia Sports Stadium sak hna an thawh mek chu a tlawh a. An hmalakna hrang hrangte enpuiin an hnathawh dan leh an hmathar lakna te a hnena hrilh hre zel turin Contractor te a hrilh.

He Sport Stadium, cheng vbc. 12 senna tur sak mek hi Sub-Headquarters YMA leh Sub-Headquarters YMA hnuaia Vigilance & Monitoring Committee ten District Bawrhsap an ngenna angin Bawrhsap hian Civil Engineer hruaiin nimin khan a tlawh a, a sak phunga YMA lamin ngaimawh an neih ang ang te uluk takin an enfiah a ni. District Bawrhsap, Sangchhin Chinzah chuan, approved Design and Drawing a\anga hnathawh tur awm ang chi zawng zawngte a nihna tur ang thlapa thawk tur leh hmalakna thar an neih apianga a hnena hrilh hre zel turin Contractor te a hrilh a. Sport Complex \ha leh rotling a nih ngei theih nan theihtawp chhuah tura ngenin, a \ul ang zela pui tura a inhuam thu a hrilh a ni.
He Sports Stadium-a hmalak mekna ah YMA lam ten phullem phahna tur (Field chhuat) hnuaia Tui luan bona tur pipe phum an tum lo nia an rin chungchangah Contractor te hian metre 5 dan zelah pipe hi an phum vek tur thu leh a pipe pawh an chah mek thu Bawrhsap hi an hrilh a, pipe a\anga Field sira tui luankawra a inchhun luhna tur pawh a hrana an la verh leh vek tur thu an sawifiah a ni. Tin, Pavilion-a plastic Chair an fit pawh a inkar a zim lutuk avanga tihthawl an duh thu an thlen te pawh siamrem leh vek a nih tur thu Bawrhsap hi an hrilh bawk.
Hetihlai hian Contractor ten an bungrua leh hmaraw \henkhat ten misual kut a tuar zeuh zeuh \hin nia an sawi chungchangah Bawrhsap chuan SP a lo sawipui tur thu hrilhin, chutiang an tawh apiangin rang taka Police hrilh hre \hin turin a chak bawk a ni.
Serchhip Mini Sport Complex hi kum 2011 a\anga bul \an niin tunah hian hna tam zawk chu thawh zawh tawh a ni a, hnathawktute hi NBCC hnuaia Agni Shanti Buildtech Ltd. niin tunah hian phullem phahna tur Field chhuat siamrem hna an thawk mek a ni. Tluang taka hnathawh zel a nih chuan reilote a zawh theih mai beisei a ni tawh a ni. Football Field bik hi a dung Metres 110 leh avang Metres 74 tura duan niin a sirah hian Athletics track siamna tur hmunawl zuah a ni a. A sir kual chhuakin mipui \hutna tur siam vek a ni bawk.
District Bawrhsap, Sangchhin Chinzah in he hnathawh mek a tlawhna ah hian Bawrhsap hi DIPRO, K. Saitluanga leh David Biakthan-sanga, AE, DRDA te chuan an \awiawm a, YMA Sub-Hqrs. a\angin an President, R. Sanghming-thanga hovin hruaitu \hahnem tak an tel bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni