Latest News

Serchhip-ah World Blood Donors Day hman a ni

‘Thisen pek hi a Mizo a, a Kristian a ni’ - President, MJA (SD)


Khawvel puma midangte tana thisen petute Ni, World Blood Donors Day chu nimin khan hmun hrang hrangah hman a ni a, Serchhip-ah pawh Association for Voluntary Blood Donation (AVBD) Serchhip Branch leh Serchhip Blood Bank te huaihawta hun hman niin damlote tan a thlawnin thisen pekna hun buatsaih a ni bawk.

Serchhip-a World Blood Donors Day puala inkhawm nimin-a CMO Conference Hall-a hman hi MJA Serchhip District President, C. Lalhminghlua chuan khuallian nia hmanpuiin midangte nun chhan nana thisen pek chu a Mizo a, a Kristian a ni tih sawiin, midang nunna chhanna tura AVBD hmalakna hrang hrangte chu lawmawm a tih thu leh fakawm a tih thu a sawi a. ‘|hian chhan thih ngam’ tia inchhal \hin Mizote tan thisen pek chu nunna chhanna atana thil pawimawh tak a ni tih hriat a pawimawh thu uar taka sawiin, hetiang thu neitu kan nih avang leh thisen hmanga chhandam, Kristian ni bawkte tan chuan thisen pek uar zel a pawimawh thu leh State dangte nena dinhmun khaikhin pawhin a sang tur ber kan nih a pawimawh thu a sawi a, hemi kawngah State dangte aia dinhmun sang luah tura \an kan lak zel a pawimawh thu sawiin, thisen pek chu thil hlauhawm a nih loh thu a sawi a. Thisen pe turte reng reng chu an thisen lak sak hmain mithiam ten an hriselna dinhmun an enfiah hmasak zel avangin hlau lova pek theih a nih thu a sawi a, he huna tel te chu thisen pek uar zel turin a sawm bawk.
Association for Voluntary Blood Do-nation (AVBD) Serchhip Branch President, Zolianmawia kaihhruai he hunah hian District Medical Superintendent, Dr. ZD. Lalmuanawma pawhin thisen chu Pathian in min pek a nih thu leh a aiawh thei siamchhuah ala nih loh thu a sawi a, thisen tel lova nung theilo kan nih avangin he Ni thupui ‘Enge kan tih theih? Thisen pe ila, Tunah pe ila, Pe zel ila’ tih a nih angin thisen pek uar zel turin kalkhawmte chu a sawm a. Tunhma lam chuan Blood Bank kan neihloh avangin rik-rum thil a lo thlen chang pawhin thisen pe tura inkoh chawp a ngaih \hin thu leh hetiang ah hi chuan nunna chan palh mai pawh thil hlauhawm a nih thu leh tunah chuan hetiang thil hi an tawk ngai ta lo tih a sawi bawk.
Hei bakah hian Dr. ZD. Lalmuanawma chuan midangte tana thisen petu te chu Pathian malsawmna dawng an ni tih in hre reng turin a chah bawk a, thisen chu a nazawng tana pek mai theih loh a nih thu sawiin, thisen pe thei tura hriselna \ha an neih avanga lawm nachang hre turin a chah a, midangte damna atana thisen petu te chu tunlai khawvel ah chuan ‘Pasal\ha’ an ni tawh tih a sawi bawk.
District Medical Superintendent chuan Serchhip Blood Bank-a thisen pek te chu Ser-chhip damdawi In-a enkawl te tan chauh ni lo, District chhung khaw hrang hranga a mamawh te hnenah an pekchhuah \hin thu pawh a sawi a. Tunhnaia sorkar in thisen sawngbawlna man a lak tak chu RSBY hnuaia inziaklut te, BPL chhungkua te, Accident tawk te hnenah te leh damlo thisen mamawh reng chi te bakah harsa zual te hnen a\ang chuan an la ngailo tih a sawi a. Thisen sawngbawlna man Rs. 550/- zel an lak \hin chu thisen sawngbawlna damdawi chi hrang hrang leina leh Blood Bag leina atan te an hman \hin thu a sawi bawk.
Nimin a Serchhip-a World Blood Donors Day hmanna ah hian AVBD Serchhip Branch Secretary, C. Zakunga chuan AVBD kalphung leh an hmalakna te a tarlang a, he huna tarlan a nih danin sorkar kum liamta chhung khan Ser-chhip Blood Bank-ah hian thisen Unit 845 pek niin heng zinga Unit 590 (69.8%) chu Voluntary a pek a ni a, Unit 255 (30.1%) chu mi tu emaw tan bika pek niin Blood Donation Camp \um 14 buatsaih a ni bawk. He hunah hian damlo a mamawhte hman tura thisen pekna hun neih niin mi 16 ten an thisen an pe bawk a ni.

Comments

Popular News (Last 30 Days)