NLUP leh RKVY Convergence Scheme hnuaia Sapthei chingtute hnenah \anpuina semchhuah a ni

NLUP leh RKVY Convergence Scheme hnuaiah Tuikum Cluster-a Sapthei chingtu chhungkaw 444 te hnenah Zirtawpni khan NLUP 2nd instalment sem a ni a, he hun hi MIFCO Chairman, PC. Zoram Sangliana, MLA chuan khuallian niin a hmanpui a ni.

Baktawng Community Hall-a NLUP \anpuina semna hunah hian MIFCO Chairman, PC. Zoram Sangliana chuan he huna \anpuina dawngtute chu a lawmpui thu sawiin, kuthnathawktuten eizawnna atana an thlan hmalakna tur bul \anna hun a hmanpui thei pawh lawmawm a tih thu a sawi a. He huna \anpuina dawngtute chu Green Mizoram Day hmalakna tihlawhtling tura hma la ve nghal tura chahin, tlangram lo neih bansan a, kumtin Lo hal pumpelh tura an hmalakna ah theihtawp chhuah turin a fuih a. Sapthei chin thlangtute chu an awmna hmun \heuhah khawtlang nuam leh awhawm tak siamtu an ni thei tih hriain, Pathian hriatpuia a thlawna \anpuina an dawn chu a hmanna tur dik taka hmang turin leh an hlawhtlinna a\anga Pathian hnena peklet ve nachang hre reng turin a chah a. Mihring taksa tichhe thei leh hrehawmna nasa tak min tuar tirtu, sum leh pai tam tak min khawhral tirtu zuk leh hmuam chu bansan nachang kan hriat a \ul tawh hle tih a sawi bawk. He hunah hian PC. Zoram Sangliana hian \anpuina pawisafai Rs. 35,000/- chu mi 22 hnenah hlanin a bak chhungkaw 424 te chu an Bank Account-ah pawisa hi an dah sak a ni.
NLUP leh RKVY Cenvergence Scheme hnuaiah hian Sapthei chingtute hnenah Rs. 1,20,000 \heuh sem tura ruahman a ni a. A tirah chuan Sapthei chingtu thlanchhuah chhungkaw 601 hnenah \anpuina hi pek a ni a, pawisafai bakah, a khur laihna te, a zamna siam nan te, tuilakna leh a thlawhfaina senso turte pek phawt a ni a. Hemi hnu hian a zamna tur thirzai pek leh an ni bawk. Village Level NLUP Monitoring Team ten an endik hnuah hna thawk \halo leh chhunzawm tlaklo chhungkaw 176 chu paihin tunah hian chhungkaw 444 hnenah \anpuina hi pek chhunzawm an ni a. Sapthei chinga eizawngtute zingah sorkar hmalakna NLUP chu zaa 70 velin a hlawhtling nia hriat a ni.
Tuikum Cluster hnuaia Sapthei chingtute tharchhuah zawng zawngte leisak tur hian MIFCO nen inremna siam a ni a. He hmalakna a\ang hian nikum hmasa (2015-16) a\ang khan Sapthei hi an lei sak \an a, a man pawh an pe nghal a ni. MIFCO in nikum 2016-17 chhung a Sapthei an lei zawng zawng quintal 1736.79 a\angin quintal726.59 zet chu Tuikum Cluster hnuaia tharchhuah a ni a, Sapthei thartute hian a tirah Bazar lamah man man zawka hralhin, a rah a tam chinah MIFCO hnenah hian a hlawm lian zawkin an hralh \hin a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai