Neihloh Middle School-a nu leh pa ten an fate School kai tir duhlo

Thenzawl bul, Neihloh khuaa Middle School-ah Zirtirtu an awm mumalloh avangin niminpiah, tunkar Thawh\anni a\ang khan zirlai nu leh pa te chuan an fate School an kal tir duhlo.
Thudawn danin Govt. Neihloh Middle School-a zirlai nu leh pa te chu tunhnai khan inhmukhawmin, an khaw Middle School-a Zirtirtu a thawk tura Sorkar dah mi 2 ten mumal taka zirna an kalpui theih nana leh sorkar in zirtirtu a pek belh theih nan an fa, zirlaite chu niminpiah, Thawh\anni a\ang khan tiamchin awm lova School kaltir loh nise, an ti a. Nimin leh niminpiah khan School hi an kal tawh lo a ni.
He School-a zirlai nu leh pa te chuan tunhma lam chuan Govt. Neihloh Middle School-ah hian Sorkar in Zirtirtu 5 lai a dah \hin tih sawiin, tunhnai kum 3/4 vel a\ang khan zirtirtu tam zawk hi lachhuakin, tunah hian zirtirtu pangngai (a nghet) pakhat leh SSA a\angin pakhat chauh an nei ta tih an sawi a. Kumin hian Zirtirtute hi an la kal mumal lova, Zirtirtu pakhat zawk a kal chhunah pawh zirna pe mumal lovin, zirlaite hnathawh tir \hin an ni a, kuminah zirlaiten zirna pakhatmah la dawnglo tluk nia an ngaih thu an sawi.
Zirlai nu leh pa te chuan zawhna chhangin, an khaw Middle School-ah Sorkar in zirtirtu dah belh se, tuna a awmsa 2 te pawh hian an khuaah ngei awmchilhin, an hna hi \ha takin thawk se an duh tih an sawi a, chutiang tura Sorkar in hma a lak hma chu an fate School kaltir hi an tum rih lo niin an sawi. Hemi chungchangah hian Neilhoh VCP, Hmingthanmawia chuan, tunhnaiah Govt. Neiloh Middle School harsatna hi Sorkar hotu lian zawk lamah pawh an lo thlen tawh tih sawiin, nimin khan an harsatna tawh mek hi Thenzawl SDEO hnenah ziakin a thlen leh tih a sawi bawk.
Govt. Neihloh M/S ah hian pawl 5 a\anga pawl 8 thleng awmin tun dinhmun ah zirlai hi an vaiin mi 32 an awm mek a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai