Latest News

MLPC Act kenkawh kawngah mipuite duhkhawplohna avangin khauh taka kalpui mek a ni - Home Minister

Excise changtu Home Minister, R. Lalzirliana chuan Mizoram Liquor Prohibition & Control Act, 2014 chu a kenkawh kawngah mipui duhkhawp sorkar a tling lo nia hriatna a awm avangin tunah hian khauh taka he Dan hi kalpui chhoh mek a ni, a ti.
Mizoram Pradesh Congress Committee (MPCC) in nimin a Aizawl Congress Bhavan Golden Hall-a Political Session an neih ah Home Minister, R. Lalzirliana hian thu sawiin MLPC Act chu hmanhmawh taka duan ni mahse Dan \ha tak mai, sawisel tur awm lo, Assembly-ah pawh sawiselna \awngka hriat tur awm lo khawp a \ha a duan a ni tih a sawi a. “Ama’rawh chu sorkarin a han kalpui chho a, a \ha viau dawn a kan hriat laiin sorkar lamin he Dan kenkawh kawngah khauh tawk lohna a neih avangin sawisel a kai chho a. Hetiang avang hian tunah chuan khauh taka kenkawh chhoh a nih bakah Act-a awm chiah lo, mahse Executive Order a tih theih mai, Wineshop neitute leh a ruka hralhtute lo puitu Excise Constable te hrem dan siam a ni tawh a. Excise Constable te hian black-a hralh turah an lo inhnamhnawih tih hriat a nih chuan an hna a\anga suspend theihna leh Wineshop neitute pawh dan lova zu an hralh tih hriatchhuah a nih a an license suspend leh cancel sak theihna order hi tih chhuah tawh a ni,” a ti a. “Wineshop neitute hi dan lova thil an tih a, manchhuah an nih chuan thla 3 chhung an license hi suspend tur a ni a, vawihnih man chhuah an nih chuan an license cancel sak tur an ni. Tunah hian dan lova zu hralh, wine shop neitute pahnih license chu thla 3 chhung atan suspend sak mek an ni,” a ti a. “MLPC Act hi zu khuahkhirh paha Zu in lo thei lo ten Zu \ha zawk, man tlawm zawk a an in theih nana tih a ni tih kan hriat reng hi a \ul a ni,” a ti bawk.
Tunkar chhova khuarel chhiatna Mizoram hmun hrang hranga thleng chungchang sawiin Home Minister chuan, hei hi sorkarin pawi a tih thu leh Cabinet Meetingah pawh chhiatna avanga nunna chante leh In leh lo chante sunna leh tawrhpuina hun hman a ni tih a sawi a. “Tunah hian Mizoram sorkar chuan District tina thuneitute chhiat tawh dan kimchang report pe tura tih an ni a, sorkar chuan a tih tur a ti chho zel a, sum mamawh dan azirin Delhi lamah pawh sum kan dil zel ang,” a ti.
Home Minister chuan Chakma Autonomous District Council-a buaina awm chungchang pawh sawiin, he buaina hi chinfel mai harsa deuh a a lan avangin Governor’s Rule-a dah mai chu sorkar chuan \ha in a hriat thu a sawi a. Amaherawh chu anmahni lamin insiamrem thei dawn a an rawn insawi leh tak avangin tunah hian ngaihchan mek an ni a, Governor’s Rule-ah hian dah an la ni lo, a ti bawk.

Comments

Popular News (Last 30 Days)