Latest News

Mizoram-a District khawpui ah eirawngbawlna Gas Online Refill Booking kalpui a ni tawh dawn

Mipuite hnena eirawngbawlna Gas sem dan kalpui mek chu tih danglam a ni dawn a, eirawngbawlna Gas la tur tan hian Online hmanga Booking tih phawt a ngai tawh dawn a. He ruahmanna hi tun thla ni 19, karleh Thawh\anni a\ang khian Mizoram-a District Capital tinah hman a ni dawn a ni.

Mipuite hnena eirawngbawlna Gas semchhuah dan kalphung thar, Online Refill Booking kalpui tur chungchang hi nimin khan District Civil Supply Officer (DCSO), Rosangmawia hovin a Office Chamber-ah Consumers Association, Mizofed-a thawk, MJA member leh Serchhip Sub-Hqrs. YMA hruaitute chuan an sawiho a. He hunah hian DCSO, Rosangmawia chuan Online Refill Booking chu sorkar in ruahmanna a siam angin Mizoram-a District Hqrs. tinah June 19 a\anga hmang turin June 7-a Supply Minister hova Meeting in an rel thu a sawi a, amaherawh chu he ruahmanna hian RGGVL Agent te a huam ve loh thu sawiin, tuna ruahmanna thar kalpui turah hian a tir lamah chuan Manual-a Booking chu kalpui ala ngai dawn tho tih a sawi bawk.
He hunah hian MIZOFED Serchhip Branch Manager, FC. Malsawmtluanga chuan Online Refill Booking-ah hian Gas booked tawh te chuan an cancel leh thei dawnlo tih sawiin, nikhat ah vawikhat aia tam an booked thei dawnlo thung tih a sawi a. Sorkar laipui in kumkhat chhunga Consumers pakhat tana subsidy \um 12 a pek te chu Consumers ten Gas an booked apiangin an Bank Account-ah a luh theih dawn thu leh amaherawh chu Gas lak dawn nilova booked vak vak tan chuan a hnu ah an Booked theih tawh dawnloh avangin Gas nghei mai erawh thil thleng thei a nih thu a sawi a, hei vang hian he ruahmanna kalpui tur hi mipuite hnenah chiang taka inhriattir leh inzirtir a pawimawh thu a sawi bawk.
He huna kalkhawmte chuan he rua-hmanna kalpui tur chungchanga mipuite zirtir dan tur te sawihoin Cable TV hmangin mipuite zirtirna hi neih nise an ti a, Online Refill Booking hi hman \an a\anga mipuite hnena Gas sem vawi thum (3) thleng chu Manual Booking pawh la tih dan zawn nise tiin Tualchhung Chan-chinbu leh YMA Chanchinbu lamah te pawh mipuite zirtirna hi uar taka kalpui nise an tih bakah mipuite hnen Gas semna hmuna zirtirna neiin ziaka sem nise an ti bawk a. He ruahmanna hi hman a nih hnuah Distribution Point te chu a ngai anga kalpui zui leh turin he huna kal te hian ruahmanna an siam bawk a ni.

Comments

Popular News (Last 30 Days)