Kan buaina \hin te hi - Laldinpuia

Kan buaina \hin te hi - Laldinpuia

‘Tunlai khawvel changkanna hian Mizote hi min va sawp nasa tak em!’ tih hi ka ngaihtuah fo \hin. Kan khawvel in hma a sawn chak si a, he hmasawnna hian duhsak bik nei lovin khawpui leh thingtlanga awm te hi min hrut rual vek mai si a, tunlai kan kalphung ina a kentel khawl thil te leh a tihdan thar (system) te hi a \hen tana buai tham nilo mahse tam tak tan chuan buaina tham a tling \hin. Digital India-in min tuam a, tunhmaa inhriatthiamna nena hun lo hmang chho \hin khan tunah chuan Computer-in duhsak bik nei hauh lovin dik takin ro min relsak ta a, hei hian Mizote min tibuai zo ta a ni ber e.
Tunhmaa ti\ha peih mang lova sorkar hna kan lo thawh \hin te, inthlahdah taka Data Collection kan lo neih \hin te, kan piankum kan lo zep \hen \hin te, document dik lo taka kan lo neih \hin te khan nghawng a nei chho mek zel e. Tunhmaa \henkhat tana \angkai em em Birth Certificate pahnih pathum kawl te khan tunah chuan \angkaina a nei ta lo. Tunah zet chuan sorkar hnathawk zingah tunge dik taka thil ti \hin, tunge felfai leh belhchian dawl taka hnathawk tih te pawh hriatchhuah a awl ta hle mai.
Aadhaar Card-ah kan buai a, kum hmasa lamah awlsam taka thla a lak theih laiin kan hlau a talangin thlalak sak tur awm awm manglo khawpin a latute an hahdam a, mahse tunah erawh a thawktute zim buai khawpin thlalak duhin kan intlar leh si a. Tin tunhmaa Veng hrang hranga kala Aadhaar thla lo latu te khan fimkhur takin kan document te kha record in kan data te kha vawng \ha se la, Aadhaar Card la neilo, Data siam\hat ngai etc. tih vel hi tam tak kan pumpelh in ka ring. Tuna heti em em a Data diklo siam\hat ngai a tam ta mai hi thla latu hmasa lam te kha data upload lamah leh document chhutluh lamah an lo fimkhur hlel deuh ni a hriatna ka nei ta rum rum mai.
Mizo te hian fimkhur nachang kan hriatloh avangin kan hming te hi kan thlak ngun lutuk a, document hrang hranga hming ziahdan inang awm miahlo pawh kan lo awm \euh mai. Hei hian tunlai khawvelah hian buaina min thlen mek zel zawng anih hi. Mahni Identity atana mahni hringtu nu emaw pa emaw hmang lova nupui/pasal te hming kan dah daih \hin te hian harsatna min siam mek a ni. Kan Voters ID-ah te hian kan pa emaw, kan nu te emaw hming i dah ngei \hin ang u (kan nupui/pasal te hming dah lovin). Central vela Official Document-ah hian nupui/pasal hmimg nilovin nu/pa hming hi ziah ngei ngei a ngaih \hin avangin a document proof-na tur a awmloh phah fo \hin a ni. Tin, tunlai khawvelah engkim deuhthaw hi online system a tih a ngaih tawh avangin kan hming ziahdan ringawt pawh hi kan fimkhur a ngai. Kan hnam hming leh Full stop kan dah dan ringawt avang te hian kan document hi diklo anga ngaih theih a ni tih i hre thar ang u.
Tunah chuan sumdawng tur emaw, sorkara thil engemaw ti tur tan chuan Aadhaar Card te, Pan Card te hi document pawimawh tak a ni chho mek zel a ni. Hei vang hian a la neilo ten a rang lamin neih tum ila, a nei tawh si correction tih ngai kan nei anih pawhin muang chang lovin a rang lama correction kan vat loh chuan document diklo nei ang kan ni dawn a, sorkar a\anga kan chanvo tur hi kan chanloh phah thei a ni tih i hria ang u. Chuvang chuan document, identity card reng rengah kan chanchin kimchang kan tarlan te a dik thei ang berin tarlang \hin ila, nakina kan buaina tam tak tur hi kan pumpelh thei dawn a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai