Govt. Serchhip College ti\ha

Mizoram University chuan nimin khan Under-Graduate (Bachelor Degree) Exam result tichhuakin hriat theih chinah Govt. Serchhip College a\angin Top-10 a lang zirlai 4 an awm.
Mizoram University hian kumin May thla a Under-Graduate Exam result hrang hrangte a tichhuak a, he result chhuak ah hian Govt. Serchhip College-a zirlaite pawh an ti\ha thawkhat niin a lang a, amaherawh chu he thu buatsaih lai thleng hian College pumpui result hriat theih ala ni lo thung a ni. Govt. Serchhip College-a thawk te chuan kumdang aia result hi a chhuah hma thu sawiin, kumin hian College pumpui result chu en theih a ni lo tih an sawi a, hei vang hian an zirlai te pawh anmahni mimal a\anga inen a nih loh chuan hriat a harsa hle tih an sawi bawk.
Nimin a reult chhuak ah hian hriat theih chinah Vanlalsanga s/o Lianbuaia, Darnam Veng Serchhip chu First-ah pass in Political Science Department-ah Mizoram pumah pakhatna a ni a. Geography Department-ah Joseph Lalngaih-awma, Zothanmawia fapa, Serchhip Chanmari Veng chu First-ah bawk zovin Mizoram pumah pahnihna a ni bawk a. B.Sc-ah Dennis Zonun-tluanga s/o Paul Zohmingthanga, Serchhip P&E Veng chuan Chemistry chu First-ah bawk zovin Mizoram pumah pathumna a ni bawk. Heng bakah hian Govt. Serchhip College a\ang hian C. Vanlaldinpuia chuan Physics Department chu First-ah bawk zovin Mizoram pumah pahnihna a ni bawk a, ani hi Chhipphir (Lunglei District) khua a ni thung. Vawiin lam hian Govt. Serchhip College result kimchang hi hriat theih a ni tawh beisei a ni.

Popular News

Mizoram-ah Faina Hapta hman \an leh a ni

Retailer bukna diklo 3 man