Digital Awareness Campaign nei

/
Niminpiah khan Presbyterian English School Serchhip-ah Digital Awareness Campaign neiin he School website hawnna neih nghal a ni.
He hun hi Vabeimozachhi Chozah, MCS ASO Ser-chhip leh E-district Nodal Officer ni bawk chuan a hmanpui a, internet leh computer kaihhnawih thil te hi tunlai khawvel \hang zelin a ken tel anih avangin digital khawvela kan hriatna kan tih zau hi a \ul hle a ni, a ti a. Hemi rual hian Presbyterian English School Serchhip in website an siam thar www.pesserchhip.in chu a duh apiangte tlawh theih turin a tlangzarh nghal bawk.
He hunah hian Denghlira, e-District Manager Serchhip chuan naupangte hnenah Digital device hrang hrang pawimawhna leh Aadhaar Card, Online Payment system leh e-governance kalphung te naupang te hrilhriatna a nei a. CMS Dawngliana State Bank of India, Serchhip Branch pawhin naupangte tana Bank Account neih a pawi-mawh zia leh Bank account vawn dan te, Bank account leh transaction chungchanga naupang te hriattur hrilhhriatna a nei bawk.
He Digital Awareness Programme hman chhung hian PES Serchhip ah hian e-District kaltlangin School naupang Aadhaar Card la neilo leh correction siam duh te tan enrollment neih nghal a ni a. Presbyterian English School Serchhip hi Serchhip a Private School hlun ber te zing ami niin kum 1995 a\ang khan din a ni a. Mizoram-a Presbyterian English School Synod phal naa din zinga ding hmasa ber a ni.
He programme hi he School Principal, Laldinpuia chuan a kaihhruai a, Digital Awareness Programme an neih chhan sawiin tunlai khawvel \hang zelah thil thar chi hrang hrang a chhuak zel a, chung thil thar leh a hman dan te chu zirlai naupang ten an hriat a \ul avangin leh engkim online system a kalpui a nih tak avangin zirlai ten tunlai khawvel kalphung thar hi an hriat a \ul tihna an neih avanga he programme hi siam an nih thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »