Comptroller and Auditor General (CAG) report kalphung (system) hi thlak a ngai - Lalduhoma

ZNP President, Lalduhoma chuan Comptroller and Auditor General (CAG) report kalphung (system) chu thlak a ngai niin a sawi.
Nimin a ZNP in Aizawl-a an Party Office-a Chhung Inkhawm an neih ah Lalduhawma chuan tuna CAG Report hnuhnung ber chuan nikum March 31 thleng huamin Assembly-ah May 2017-ah pharh a ni chauh tih sawiin, thu hlui tak tak, kum tam tak liam tawh thilte pawh tam tak a awm niin a sawi a. “A up-to-date loh \hin em avang hian a hun laia khawihtu Official te kha an lo kaisang emaw, an transfer emaw, an pension emaw, an thi tawh emaw a lo ni nual tawh \hin a. A system hi thlak a nih loh chuan a \angkai tur angin a \angkai thei \hin lo a ni,” a ti. A sawina zelah ZNP President chuan, “Auditor-te hi mihring ve bawk an ni a, an lo tih lawm chuan Object tur an nei tlem a, an lawm loh chuan Object tur an ngah thei hle thung. Department te hi an lo inbuatsaih \hat chuan thil fello hmuh tur a tlem a, an inbuatsaih \hat loh erawh chuan Object tur a tam phah \hin,” a ti a.
ZNP President chuan CAG Report-in Objection a siamte chu Department ten an chhang a, sawifel an tum \hin tih sawiin, tam tak chu an sawifel leh \hin niin a sawi a. “La sawifel leh tur a nih avangin a report ang ang hi thutawp-a ngaih nghal vek chi a ni lem lo. Thil chinchang hria leh Officer senior, \awng lama harsatna nei lote an tirh chuan a sawt bik a, chutiang ni lo an tirh chuan sawi fel mai theih pawh an sawi fel zo lo fo. Action lak ngai a awm chuan Department ten action chu an la nghal tur a ni,” a ti a, “Department ten an sawifel zawhloh hi PAC kutah a lut \hin a. PAC-in Evidence a lak hian Official-te chuan thu dik chauh sawi turin chhia an chham phawt \hin a ni. Accountant General leh a hote pawh an tel ve \hin a. Inhmatawna PAC hmaa sawi a nih hian CAG lam tih dikloh te, Department lam tihdik loh te chu fiah takin a lang \hin. PAC chuan Assembly-ah Report a thehlut a, action lak chu sorkar kut a ni tawh,” a ti bawk. 

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn