Chief Minister leh Sports Minis-ter ten infiamna hmunhma tlawh

/
Chief Minister, Lal Thanhawla leh Sports Minister, Zodintluanga te chuan nimin chawhnu khan Serchhip khawpui chhunga infiamna hmun-hma siam\hat mek te an tlawh.
Chief Minister, Lal Thanhawla leh Sports Minister, Zodin-tluanga te hian Serchhip Hmar Veng-a Sports Stadium sak mek chu a hmunah kalin hnathawh kal mek an en a, he hunah hian Sports Minister, Zodintluanga chuan Sports Stadium-a Artificial Turf phah tura hmalak kal mek te Chief Minister hi hrilhin, a tira Synthetic Track awm tura ruahman tawh chu harsatna a awm avangin Synthetic Track hi phah rih lovin, Artificial Turf phah leh Gallery siam hna thawh zawh hnuah Track hi tha thara ngaihtuah leh tum a nih thu pawh a sawi a. Tunhnaia tlawmngai pawl hrang hrang ten Field chhunga tuihawk paihna awmlo an ngaihmawh thu an sawi angin, he hna thawktute chu tui paihna hi siam tura hriattir leh an nih thu a sawi a, hna-thawktute chuan tuichhe paihna tur hian Pipe chahin tunah hian Guwahati-ah a awm mek thu an sawi bawk a ni.
He hunah hian Serchhip District Sports Committee hruaitute chuan Sports Complex ramah hian Multipurpose Hall sakna tur ram a awm thu pawh Sports Minister hi hrilhin a \ul anga hmalak sak turin an ngen bawk a, he Sports Complex panna kawng duhthusamlo te pawh an sawipui nghal a ni.
Hemi hnu hian Chief Minister leh Sports Minister te hian Serchhip Venglai-a Indoor Sta-dium sak mek pawh tlawhin a building hnuaia Shooting Gallery siam te, Serchhip Gym te leh Badminton Court-a Carpet phah thar bakah Table Tennis Board dahna tura ruahman te pawh an tlawh nghal bawk a ni. Serchhip-a infiamna tur hmunhma tlawhtu Chief Minister leh Sports Mi-nister te hi UD&PA Department-a Secretary leh Director bakah District Bawrhsap, Sangchhin Chinzah leh Official ten an \awiawm a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »