Chhingchhip-a Bailey Bridge siam\hat hna thawh \an a ni

Aizawl leh Serchhip inkar NH. 54, Chhing-chhip khawchhunga Bailey Bridge innghahna lei a tlakhniam avanga lirthei lian, rit phur tana zawh ngamloh chu siam\hat tumin hna thawh mek a ni.
Serchhip leh Aizawl inkar NH. 54, Chhing-chhip khawchhunga Bailey Bridge hi tunhnaia ruah sur nasa avang khan Lei innghahna, Aizawl lam hnaih ami chu tlahniamin lirthei lian rit phur tan zawh ngam a ni lo a, he Lei hi lirthei lian chi pawhin an zawh theihna tura ruahmanna siam nghal niin tuna ruahman dan chuan Lei hi zawm seiin a innghahna hi a hma aia hla zawk ah dah tum a ni a, PWD lam chuan a zawmna tur hmanrua an neih ang angte dapkhawmin, Border Roads Organization hnuaia Project Pushpak-in Buichali Lei dawhna atana an hman, Lei chhuat phah thir phekte chu phawh \hen a ni a, Inrinni leh Pathianni khan Buichali lei dawhna hmanruate hi phurh chhoh a ni a, Pathianni a\ang khan PWD Chief Engineer (Highway), Er. K. Sawmvela hovin Lei zawmsei leh tihchak (Strengthening) hna an thawk \an nghal a, khua in a zir chuan ni 2/3 chhunga zawhfel an inbeisei a ni.
He Lei dawh mek leh lei tlahniam avanga a helna tur kawng siam chungchanga harsatna awm te a hmuna enfiah turin nimin khan Serchhip Sub-Hqrs. YMA President, R. Sanghmingthanga leh Sub-Hqrs. YMA hnuaia Vigilance & Moni-toring Committee hruaitute chuan Chhingchhip hi an tlawh a, Chhingchhip Lei, Bailey Bridge helna kawng siamna tur hi chhungkaw pariat, Compensation la tawh ten an In an \hiah loh avangin hnathawh \an theih a ni lova, heng mite hi an In-ah kalchilhin an dawr kual a, chhungkaw \henkhat chuan hma an lak nghal tur thu sawiin, tunkar hian In hi \hiah fel beisei a ni a. PWD Chief Engineer (Highway) pawhin Vawiin ah Chhingchhip Lei helna tur lai tura Contractor an thlan chu hna \an nghal tura a hrilh tur thu Sub-Hqrs YMA hruaitute hi a lo hrilh bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai