Cheng nuai 2126.01 senga Serchhip Auditorium sak Chief Minister, Lal Thanhawla’n a hawng

Cheng nuai 2126.01 senga Serchhip Field No. I hmuna Auditorium sak thar chu nimin khan Chief Minister leh bialtu MLA ni bawk, Lal Thanhawla chuan a hawng a. Tunhnaia Doctor sawn chungchanga Serchhip JAC te chet dan chu lawmawm a tih thu leh Kristian te tihdan tur ni awm reng a nih thu a sawi bawk.

Serchhip-a Auditorium sak thar hawnna hunah hian Chief Minister, Lal Thanhawla chuan Mizoram-a Auditorium Hall changtlung ber Serchhip-a hawn a ni ta chu lawmawm a tih thu sawiin, building thar chu neitu rilru pu-a fai taka enkawl tur leh a chhiat lohna atana enkawl turin a chah a. Lawm nachang hriat chu Pathian duhzawng a nih thu leh lawm nachang hria te tan malswmna a thlen \hin thu a sawi a, lawm nachang hrelo te chu Pathian in a hawisan \hin tih sawiin, sorkar leh Political Party te pawhin an Policy, Programme leh kalphung te chu Pathian duhzawng leh Pathian lam\ang a ni em tih ngaihtuah fo a \ul thu a sawi a. Serchhip Bial leh a District chu Department hrang hrangte pawhin an duhsak thu sawiin, a chhunga chengte pawh chei theiha an awm a pawimawh thu a sawi a, sorkar tana duhsak tlaka awm a pawimawh thu pawh sawiin, tunhnaia Doctor chungchanga District \henkhat chet dan chu Pathian ringtu inti tana tih chi ah a ngaih loh thu a sawi a, hetiang a nih laia Serchhip JAC te hmalak dan chu lawmawm a tih thu leh Kristian te tih dan tur awm reng a nih thu a sawi bawk.

He huna Khual zahawm, UD&PA Minis-ter, Zodintluanga pawhin kum 2008-a Congress kaihhruai sorkar a din hnuah Serchhip chu duhsak takin Auditorium leh Sports Stadium sa tura hmalak hmasa berna a nih thu sawiin,amaherawh chu a hun taka an zofel theilo chu pawi a tih thu a sawi a. Kum 2008-a Congress kaihhruai sorkar alo din khan sum lamah harsatna nasa tak a awm avangin sorkar laipui a\ang heng Project thawhna atan hian zaa 10 tum ve ngai chu zaa za sorkar in a tum theih nan NBCC Ltd. te chu rawih an nih thu sawiin, anni hian Tender te chhuaha hma an lak hnuah Contractor an thlanfuh loh avanga thlak leh te ngaiin, tuna peihfel a ni ta erawh chu an lawm thu a sawi a. He Auditorium \ha taka sak zawh a nih theih nana theihtawp chhuaha an hmarua te lo enpuia hnathawh lo viltu tlawmngai pawl leh YMA te chungah lawmthu a sawi bawk a ni. Hei bakah hian UD&PA Minister, Zodintluanga chuan hun reilote chhungin Serchhip-ah District Urban Development Officer (DUDO) Office hawn a nih dawn thu pawh he hunah hian a sawi bawk.

Serchhip Field Veng-a Field No-I awmna hmuna Auditorium hi cheng nuai 2126.01 senga sak niin Ministry of Urban Development sum hmanga sak a ni a, Urban Development & Poverty Alleviation Department chu Nodal Department niin NBCC Ltd. chu Implementing Agency a ni thung a, Auditorium-ah hian mihring 1000 \hut theihna tur \hutthleng dah niin Ground Floor-ah hian VIP Lounge, Office Room, Refreshement Room, Exhibition Hall, Green Room leh inthiarna awmin 1st Floor-ah Meeting Hall pahnih, Rest Room leh inthiarna a awm a, 2nd Floor-ah Auditorium ber hi dah niin hetah hian Light leh Sound System \ha tak dah nghal niin kangmei chhuak palh ah pawh kang\helhna hmanrua dah nghal a ni a, 3rd Floor-ah Light leh Sound Control-na awmin Projector \ha tak dah a ni a, DG Set 250 kVA leh Transformer 125 kVA te daha ni bawk.

Nimin a Serchhip Auditorium hawnna inkhawm hi UD&PA Secretary, Dr. C. Vanlal-ramsanga chuan kaihruaiin NBCC Ltd. aiawhin Capt. Sharan, General Manager pawhin thu a sawi a, khawtlang lam a\angin Sub-Hqrs. YMA Serchhip President, R. Sanghmingthanga pawhin thu sawiin Auditorium kan neih theih nana hma latu sorkar leh Chief Minister chungah lawmthu a sawi a, District Bawrsap, Sangchhin Chinzah chuan lawmthu a sawi bawk a ni.