Vantlang hriselna chungchang inrawnkhawmna neih a ni

Nimin khan Zoram Entu Pawl (ZEP) leh National Health Mission buatsaihin Serchhip CMO Conference Hall-ah vantlang hriselna tura inrawnkhawmna leh sawihona hun neih a ni.
Zoram Entupawl buatsaiha he inrawnkhawmna, ‘Public Consultation Meeting on Health’ hi Mary Zoramsangi, Health Coordinator, ZEP Serchhip chuan kaihruaiin he hunah hian Serchhip District chhunga Village Health Worker, Village Health Sanitation & Nutrition Committee leh khaw-tlanga hruaitu leh tlawmngai pawl hruaitu sawm bikte an tel a, he hunah hian ZEP Asst. Director, Fr.Praveen Fernades chuan inlawmna thu sawiin, Sister Irene Crasta, Health Supervisor, St. Peter’s Dispensary, Chhingchhip chuan Zoram Entu Pawl hnuaia vantlang hriselna tura Serchhip District chhunga hma an lakna hrang hrang sawiin Zoram Entu Pawl Drop-in-Center a thawktute a\angin Lalthlanawma chuan an hmalak leh hnathawh dan hrang hrang a tarlang bawk a ni.
He inrawnkhawmna hun hi Serchhip Chief Medical Officer, Dr. Laldawngliana Sailo pawhin hmanpuiin Health Department inrelbawlna kalphung leh mipui vantlang hriselna tura sorkar laipui hnuaia hma an lakna hrang hrang kalphung a sawifiah bawk a ni. Nimin a inrawnkhawmna hunah hian Serchhip District chhung khaw hrang hrang a\angin mi 45 vel an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man