Latest News

Thenzawl-ah Sangha khawi dan zirhona neih leh a ni

Serchhip District huamchhunga Sangha khawi inzirtirna beihpui thlak kal zelah nimin khan Thenzawl-ah Buangpui leh Thenzawl Circle huamchhunga Sangha khawitute tan Fisheries Department Serchhip District chuan Sangha khawi zirtirna an buatsaih.
Serchhip-a Fisheries Department in Serchhip District chhunga Sangha kawitute tana Sangha khawi inzirtirna beihpui an thlak kal mekah hian nimin khan Buangpui leh Thenzawl Circle huamchhunga Sangha khawitute tan Thenzawl-a Vantawng Group YMA Run-ah Sangha khawi dan zirhona neih leh a ni a, he hun hi District Fisheries Development Officer, Zonuntluangi chuan hmanpuiin Sangha chu mihringte chaw \ha a nih thu leh, kum khat chhungin mi pakhatin Sangha Kg. 13 tal ei \hin kan mamawh thu a sawi a, kan mamawh phuhru zo tur erawh kan ramah kan la thar chhuah loh avangin Sangha khawituten \an an lak zual sauh sauh a \ul tak zet a ni, a ti. Luidung Sangha humhalh kawngah pawh \an lak zual zel a \ul thu sawiin, Vantawng Group YMA kutah Luidung Sangha humhalh kawnga hmalakna tur \anpuina sum pawh pek tawh niin an hmalakna te mipuiin thlawp tlat turin a ngen bawk a ni.
Nimin a Sangha khawi dan zirhona hunah hian Fish Pond Construction & Management leh Breeding of Common Carp, a lem nena entirin Fishery mithiam ten an zirtir a. Thenzawl Circle-a Fish Development Agency (FFDA) \anpuina dawngtute hmalak dan a hmunah kalin an endik nghal bawk a ni.

Comments

Popular News (Last 30 Days)