Latest News

Sports Stadium sak hna nimin a\angin chhunzawm a ni leh ta

Serchhip Hmar Veng-a Sports Stadium sak hna chu ni 11 zet chawlhsan a nih hnuah nimin a\ang khan dan pangngaiin hna chhunzawm a ni leh ta.
Niminpiah a Sub-Hqrs. YMA Coordination Committee (SCC) \hukhawm in Serchhip Hmar Veng a Sports Stadium sak hna thawh mek chu a nihna tur, drawing leh design anga a thawktu ten hna thawh an duh chuan chhunzawm an remtih sak hnuah nimin a\ang khan Stadium sak hna hi thawh \an leh a ni a, niminn a hna \an Ni hian Field siamrem hna leh Artificial Turf hnuaia Lung phah tur lo dahkhawl sa-a lian zual chhut sawm hna thawh a ni a, tluang taka hna hi chhun-zawm zel theih a nih tawh beisei a ni a, helai hmuna hnathawh viltu NBCC aiawh chuan a hma lama an lo beisei tawh angin kumin June thla ralhmain hnathawh hi zawhfel hman an la beisei tho tih nimin a a hmun tlawhtu kan Palai hnenah a sawi bawk.
Helai hmuna hnathawh viltu NBCC aiawhte chuan tunhnaia Sub-Hqrs. YMA hruaitu ten an tlawh \uma \halo nia an sawi Lung lian deuh deuh te chu an chhu te leh dawn tih sawiin, Field hi a lai pawngin a sir lama tui inpaih theih turin an siam dawn tih an sawi a, a laia Artificial Turf hnuaia tuihawk paihna tur chu siam a ni dawnlo tih an sawi a, Field-a lung phah an zawhfel hnuah Grass phahtu tur hi a hranin an lo kal dawn niin an sawi bawk. A tira Football Ground sir-a Synthetic Fibre Track awm tura tih chu an budget in a phak tawhloh thu sawiin, Metalled Track erawh siam an tum nia thudawn a ni bawk.

Comments

Popular News (Last 30 Days)