Serchhip-III VC leh Chhim Veng Branch YMA in HSLC leh HSSLC-a pass te lawmpuina hun an hmang

Serchhip-III Village Council leh Serchhip Chhim Veng Branch YMA chuan Inrinni zan khan HSLC leh HSSLC Exam result tihchhuah taka an huamchhung a\anga Exam zawng zawngin an pass lawmna hun an hmang a, District Education Officer (DEO), Lawmawma leh Govt. Serchhip College Principal, Lalhmangaiha Sailo ten an hmanpui a ni.

Serchhip-III Village Council leh Chhim Veng Branch YMA in an huamchhunga HSLC leh HSSLC Exam result chhuaka zirlaite an pass vek avanga zirlaite lawmpuina hun, Lalpuithanga Hall-a an buatsaih hmanpuitu District Education Officer, Lawmawma chuan Serchhip District chu India ramah pawh ziak leh chhiar thiam tam berna a nih thu sawiin, chutih laia Cancer tamna ber a ni chu inenfiah a \ul thu a sawi a. Heng zirlai hlawhtling thar te hi a lawmpui thu sawiin, zirlaite hmasawn nan Bible in an \hatna tura naupang zihhau a phal angin ziilhhau a, a \ul chuan hrem dan thiam pawh a pawimawh thu a sawi bawk. He hunah hian Govt. Serchhip College Principal, Lalhmangaiha Sailo pawhin lehkhathiam thei leh Thluak \ha nih chu din khawchhuahna a ni ngawt lo tih sawiin, a tawp thlenga tumruhna neia \an lak peih a ngai a ni, a ti a. Lehkha thiam tamna District-ah sorkar department hotu lu zinga Serchhip District mi an awm mang lo chu ngaimawh awm a tih thu sawiin, Govt.Serchhip College-ah nasa taka \an lak chhoh niin sorkar dan thar angin zirlai zingah attendence-a 75% kallo chu an exam thei dawn lo tih a sawi bawk.
Kumin a Mizoram Board of School Education in HSLC (Pawl 10) leh HSSLC (Pawl 12) Exam a buatsaih ah khan Serchhip-III VC huam-chhung a\ang hian exam beitu mi 30 awmin an pass vek a, an zinga mi Laldintluanga s/o C. Lalengthanga, Chhim Veng chu HSLC-ah Mizorama pakhatna niin, HSSLC Science Stream-ah Samuel Mal-sawmzuala s/o JH. Laldingliana, Tuikhuah Veng chu pahnihna a ni bawk a, zirlai pass thar te hi lawmna artui chhum sak an nih bakah Rs. 500/- leh citation hlan vek an ni bawk.
He hun hi Serchhip-III VC Vice President, C. Lalhminghlua chuan kaihruaiin Serchhip-III VCP, PC. Siamliana leh YMA aiawhin F. Lal-hmangaihsanga te pawhin thu an sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man