Serchhip atanga HSLC Topper a tling Laldintluanga chawimawina hun hman a ni

Mizoram Board of School Education (MBSE) in niminpiah a Pawl 10, HSLC Exam result a tichhuah taka Mizoram puma pakhatna, Laldintluanga, Serchhip Chhim Veng chu nimin khan MZP Hqrs. Serchhip buatsaihin Serchhip Bazar-ah chawimawina hun hman a ni.
HSLC Topper, Laldintluanga chawimawina hun hmanpuitu Serchhip District Bawrhsap, Sangchhin Chinzah chuan mi chhuanawm leh chawimawi tlak chawimawina hun MZP ten an buatsaih chu lawmawm a tih thu sawiin, hetiang hlawhtlinna Laldintluanga’n a chang chu a thawhrimna leh taimakna rahchhuah a nih thu a sawi a, he a hlawhtlinna avang hian a zirna School, Zirtirtu, nu leh pa leh khawtlang bakah District min chawimawi tih sawiin, he hlawhtlinna hi zirlai ten chona ah ngai se a duh thu a sawi a. ‘Serchhip a\angin Topper kan nei thei tih lantirna a ni a, zirlai ten kan zirna ah \heuh Topper kan ni thei tih hriain \an i la ang u,’ tiin Laldintluanga lawmpui nan pawisafai a hlan nghal bawk.
He hunah hian District Education Officer, Lawmawma pawhin thu sawiin, hetianga zirna lama Idol, Serchhip District in kan nei chu a lawmawmin a hlimawm tih thu leh India ram District zawng zawng zinga lehkha thiam tamna ber District kan nihna nen pawh a inhmeh hle tih a sawi a, Zirtirtute thawhrimna chu fakawm a tih thu sawiin, zirlaite tan hlawhtling turin nu leh pa leh Zirtirtute thuawih chu a pawimawh thu a sawi a. Tunhma lam chuan Mizote zingah All India Service an tam \hin thu pawh sawiin, tunah chuan \an kan lak lehzual a pawimawh tawh tih a sawi a, sorkar in Schedule Tribe te tan sorkar hnaah zaa 7.5 a hauh sak thu leh heng te hi chhawr \angkai tura kan inhrilhhriat zel a pawimawh thu a sawi bawk.
MZP Hqrs. Serchhip President, T. Biakchamliana kaihhruai he hunah hian Laldintluanga pawhin lehkha a zir dan te sawiin, a pa, C. Lalengthanga pawhin Laldintluanga chanchin leh zirna kawng a zawh chhoh dan te a sawi bawka, Laldintluanga luhna School, Marian H/S Principal, Father Gabriel Laltlanthanga te pawhin thu an sawi bawk.
Nimin a HSLC Topper chawimawina hunah hian MZP Hqrs. Serchhip; YMA Sub-Hqrs. Serchhip; MHIP Sub-Hqrs. Serchhip; Mizoram Primary Teachers Association Sub-Hqrs. Serchhip, Serchhip Block Congress Committee, MNF East Block Serchhip, DEO Serchhip leh DPC RMSA Office, Village Council hrang hrang, tlawmngai pawl leh pawldang bakah mimal hrang hrang ten lawmpuina leh chawimawin thilpek \hahnem tak an pe bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man