Latest News

Serchhip-ah Bukna, Diesel leh eirawngbawlna Gas enfiah a ni

Nimin khan New Serchhip huamchhunga sumdawngte bukna hmanruate chu Serchhip-a Legal Metrology Department ten an endik sak a, Diesel leh eirawngbawlna Gas lo thleng pawh enfiah a ni bawk.
Serchhip-a Legal Metrology Inspector, Lalsangzuala chuan New Serchhip-a sumdawng mi 18 te chu an bukna hmanrua endik sak tura a koh angin Legal Metrology Office ah endik sak an ni a, an bukna leh buk lungte uluk tak endik sak niin siamrem ngaite an siamrem sak a, heng an bukna hmanrua te hi a \ha thaw-khat a, fee pawh dan anga laksak an ni bawk a ni. Serchhip-a sumdawng te bukna leh buklung zawng zawng hi Legal Metrology Enforcement Staff te hian endik tawhin siam sak an ni tawh a, heng te hi ala \hat leh \hatloh enfiah sak an ni.
Hemi rual hian Serchhip-a Tui meter zuartute pawh Tui meter an zawrh laite endik sak tura koh niin, Tui meter \halo engemaw zat an hmu a, hengte hi mipui hnena hralhchhuah tlak loh anih avangin an lakna hmunpui lama thawn let leh tura hriattir nghal an ni bawk a ni.
Serchhip-a Legal Metrology Enforce-ment Staff te hian nimin vek khan Serchh IOC Petrol Pump-a Diesel lo thleng leh Eirawngbawlna Gas lo thleng pawh an enfiah bawk a, Diesel lo thleng hi a \hat angin hlanthlak phalsak niin eirawngbawlna Gas te pawh hi buka enfiah a nih hnuah buk tling nia ngaiin IOC Veng-ah semchhuah a ni bawk.
Serchhip-a Legal Metrology Inspector, Lalsangzuala chuan Standard of Weights and Measures (Enforcement) Act, 1985, Section-24 Chapter-VII in a phut angin sumdawng, bukna leh tehkhawng hmanrua hmangtute reng reng chuan kumtinin an hmanruate chu endika chhinchhiah tir tur a ni a, endiknaah hian Fee pawh dan anga pek nghal tur niin, endikloh hmanruate chu dan anga man theih an nih thu leh Lung In tan tir thlenga hrem theih an nih thu a sawi bawk.

Comments

Popular News (Last 30 Days)