Pathian vanga hetiang dinhmun chang thei hi ka ni - Dintluanga, HSLC Topper

MBSE in nimin a HSLC Exam result a tih-chhuak taka Mizoram puma pakhatna, Laldin-tluanga chuan Pathian \hatna avanga hetianga dinhmun \haa ding a nih thu a sawi.
Nimin a LENKAWL Palai in a kawmna ah Laldin-tluanga chuan Distinction-a pass chu a inring sa tho tih sawiin, Topper erawh a nih a inrin loh thu a sawi a, Pathian \hat vanga hetiang dinhmuna ding a nih thu sawiin, a lawm thu a sawi a. A lehkha zir dan tlangpui sawiin, kumtir lamah lehkha a zir nasat thu leh zan lamah dar 10:00 thleng vel zirin zing ah dar 2/3 velah a thawh \hin thu a sawi a. Amaherawh chu Exam dawn ah chuan a zir manglo tih sawiin, ennawn ang chauha a zir tawh thu a sawi bawk.
Laldintluanga chuan pawl 10 a pass hnu hian Science lak a rilruk tih sawiin, khawi hmun ah nge zir chhunzawm a tum erawh ala ngaih-tuah fello tih a sawi a, Engineer nih a chak thu pawh sawiin, a zirlai pui te chu thawhrimna avanga hlawhtlinna chan theih a ni tih hre reng turin a chah bawk. Laldintluanga pa, C. Lalengthanga chuan hetianga result \ha an nei chu lawmawm a tih thu sawiin, a fapa chuan Primary leh Middle School, LFCS-a a zir lai pawhin a result pawh a \ha tlangpui tih a sawi a, pawl 9 a zir lai phei chuan khawlai ah pawh a len ngai loh thu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man