ODF District-a Serchhip District puang turin chak taka hmalak chhoh mek a ni

Serchhip District chu khawilai leh vantlang hmuna inthiar awmlohna, Open Defication Free (ODF) District-a puang tura hmalak mek zel niin tun thla chhung hian ODF Districe ni tur hian puan hman beisei a ni.
Swach Bharat Mission (Gramin) hnuaiah Serchhip District chu ek In a inthiar vekna, Open Defecation Free (ODF)-a puang turin hma lak chhoh mek a ni a, May thla chhung hian SBM (G) hnuaiah Serchhip District chu ODF-a puan hman tum a ni. SBM (G) Member Secretary thar, Er. F. Lalsanglura, EE, PHED, hnuaiah chak takin ODF-a inpuang tur hian hma lak chhoh mek a ni a, Serchhip District chhung thingtlang khuaa SBM hnuaia Ek In sak te a hmun ngeia an thlalak upload (Geo tagged photo upload) chu zawhfel a ni tawh a, Geo tagged photo upload zo hi Mizoram District 8 zingah 3 chauh an la awm a ni. Tunah hian Serchhip District chhung thingtlang khaw hrang hrangah SDO, JE leh SBM District Coordinator ten ODF Declaration drive an kalpui mek a, thawktute chuan ODF-a inpuang tur hian tihfel tur hrang hrangte a rang lama tihfel thuai an inbeisei a ni
Hetianga ODF District ni tura theihtawpa hmalak a nih mek lai hian nimin khan UD&PA Department hnuaia Swachh Bharat Mission (Urban) kalpui meka inthiarna mumal la neilo awmna khaw hrang hranga VC aiawhte chu DLAO Serchhip Office-ah kokhawmin hmalak dan tur sawiho a ni a. He hun hi District Bawrhsap, Sangchhin Chinzah chuan hmanpuiin Sorkar in a khua leh tui te tan a theihtawpa hma a lak thu leh mihring te kan lo pianchhuah hma a\anga kan tar thlenga enkawlna tur pawh ruahman a nih thu a sawi a. Chumi kawngah chuan hriselna chu thil pawimawh a nih thu leh hemi kawnga hmalakna atan hian mitin ten inthiarna mumal kan neih theih nan nasa taka hmalak mek a nih thu a sawi a. Serchhip District chu ODF-a puan kan nih thuai theihna turin inthiarna la nei mumallo te awmna khawtlang hruaitute chu tun \umah hian kohkhawm an nih thu a sawi bawk. He inkawmna ah hian DLAO, Lalfakawma Chhakchhuak chuan Serchhip District chhunga khawpui hrang hranga ek In neilo te dinhmun tlangpui sawiin, Serchhip District chhunga hmalak dan tur chu he hunah hian huamzau taka sawihona neih a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai