Latest News

MNF in Human Resource Development Deptt. din dawn

MNF Vice President, Dr. R. Lalthangliana chuan MNF a sorkar chuan \halai lehkhathiam leh thiamlote tan an eizawnna tur Human Resources Development Department kan din dawn a ni, a ti.
MNF Aizawl North I Block leh Aizawl East-I Block ten niminpiah a SEDP Training an buatsaih leh nimin a Aizawl South-I & South-II MNF Block ten SEDP Training an buatsaih a hmanpuina ah he thu hi sawiin Dr. R. Lalthangliana chuan MNF SEDP chuan a huamzau hle tih sawiin, Aizawl leh Mizoram khawpui hmun hrang hrangah lehkhathiam General Line te, Management te, IT, Engineer, Doctor leh Line hrang hrangah cheng nuai tam tak senga kum tam tak training zo tawh si, hna la hmu si lo tam tak an awm tih sawiin, “Hengte hi Zoram Economy Death Lock a ni a. Hengte dinhmun siam \hat a, an hna thawh tur ngaih pawimawh hmasak chu SEDP ah hian a chuang vek a ni,” a ti a. “MNF a sorkar chuan MYC mai hi kan duh tawk dawn lova, \halai lehkhathiam leh thiamlote tan an eizawnna tur Human Resources Development Department kan din dawn a ni,” a ti.
Dr. R. Lalthangliana chuan sum leh pai tam tak seng a State danga training hrang hrang zo tawh, hna la hmu si lote tan Unemployment Allownce an siam sak dawn thu sawiin, hlawh ni lo Stipend angin thlatin suma \anpuina kan pe dawn a ni, a ti a, “Aizawl leh khawpui hrang hrang ah Agriculture, Horticulture, Industry leh Trade hrang hranga tui mi, In hmun, Huan lo ram an neih loh avanga mi tam tak awm mekte hi anmahni chak zawk leh hnathawh thiam zawng \heuhah eizawnna ngelnghet an neih theih nan SEDP a\angin kan \anpui dawn a ni. Sorkar hnathawk awm ve lohna chhungkua ah an thawh theih anga zirin Company/Corporation/Sorkar-ah thlatin hlawh an lak ve theihna turin ruahmanna fel tak kan siam a, kut hnathawktu hrang hrangte din khawchhuah theihna turin SEDP-ah ruahman fel sa vek a ni,” a ti bawk.

Comments

Popular News (Last 30 Days)