MJA Serchhip District in HSLC Exam-2017 a Laldintluanga, Serchhip chawimawina hun an hmang

Mizoram Journalists Association (MJA) Serchhip District chuan HSLC Exam-2017 result tihchhuah taka Mizoram puma pakhatna, Laldintluanga s/o C. Lalengthanga, Serchhip chu nimin khan lawmpuina hun hmangin chawimawina thilpek an hlan a. He hun hi District Information & Public Relations Officer, K. Saitluanga, MIS chuan a hmanpui bawk a ni.

MJA Serchhip District ten Marian H/S Serchhip a\anga HSLC-a Topper, Laldintluanga S/o C. Lalengthanga, Serchhip Chhim Veng chawimawina hun nimin a I&PR Conference Hall, Serchhip-a an buatsaih hi an President, C. Lalhminghlua chuan kaihruaiin he huna thu sawitu MJA Serchhip District Vice President, C. Ramengmawia chuan lawmpuina thu sawiin, tuna Laldintluanga hlawhtlinna duhawm tak chu a tawpna ni lovin a bul \anna mai chauh a la nih avangin nasa lehzuala \an la turin a chah a. A hma lam hun atan engnge \ha ber ang tih ngaihtuah chungin, a hniak tam lam lam zawh mai lova, a tana \ha tur thlang thiam turin a fuih a. Nunchang mawi, nu leh pa leh zirtirtute thuawihna rah sengtu Dintluanga hian District dang a\ang pawhin Mizoram Topper a nih theih tih a tichiang a, amah ah entawn tur tam tak kan nei a ni, a ti bawk. He hunah hian MJA Serchhip District aiawhin Lalremruata Ralte, Treasurer chuan Chawimawina thuziak leh pawisa fai Rs. 2000 an hlan bawk.
He hun hi District Information & Public Relations Officer, K. Saitluanga, MIS pawhin hmanpuiin Serchhip District a\anga HSLC Topper neih chu a hlut thu sawiin, Serchhip leh a District a chawimawi mai bakah zirlaite tan Serchhip a\angin Topper a nih theih tih tilangtu a nih avangin zirlaite tan chona \ha siamtu a nih thu a sawi a, hei bakah hian zirna In-a thawktute tan pawh inelna thiang-hlim siamtu niin zirna lama District min chawisangtu a nih ngei a beisei thu a sawi a. Hlawhtlinna chu sum leh pai ngah lama teh tur ni lovin kan tum kan hlenna chu hlawh-tlinna a nih thu a sawi a, eng kawngah pawh bansan duhlotu te chu an hlawhtling \hin tih sawiin, a beitu in a beidawn hma chuan hlawhchham lo tih mai loh tur a nih thu a sawi a. Tuna HSLC Topper nihna chu a tawpna nilo se a duh thu sawiin, eng kawng pawh zawh zui se tuna amah chawimawitu hrang hrangte an inchhir lohna tura \an la zui zel turin a chah a. HSLC Topper a nih lawmpuina atan Rs. 1000/- a hlan bawk.
Nimin a Laldintluanga chawimawina hunah hian amah, Laldintluanga pawhin lawm-thu a sawi a, chhungkaw aiawha thusawitu Lal-dintluanga pa, C. Lalengthanga chuan he result avanga khawtlang in an lawmpuina an hlan leh khawtlang huapa a lawmna buatsaih a ni te chu an lawm thu sawiin, chhungkuaa an infuihna bakah khawtlang-a mi thiam tak tak te fuihna an dawng chu lawmawm a tih thu a sawi bawk. Ani bakah hian Serchhip-III VC a\angin VC member, H. Rozamliani pawhin he hunah hian thu a sawi bawk a ni.
Tarlan tawh \hin angin Laldin-tluanga, C. Lalengthanga fapa, Serchhip Chhim Veng-a cheng mek hian HSLC Exam result tihchhuah takah khan Marian High School, Serchhip a\angin HSLC Exam hi Distinction-ah a pass a, Mark 500-ah Mark 474 hmuin Mizoram puma pakhatna dinhmun a luah a. Tunah hian Pawl 11 zir tura inbuatsaih mekah St. Pauls’ HSS ah a lut dawn a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai