MBSE in HSSLC Exam-2017 result tichhuakin Mizoram pumah zirlai 74.86% in an pass

Mizoram Board of School Education (MBSE) chuan nimin khan pawl 12, Higher Secondary School Leaving Certificate (HSSLC) Exam result tichhuakin zirlai za zela 74.86% in an pass a. Samuel Malsawmzuala s/o JH. Laldingliana, Serchhip Tuikhuah Veng chu Science Subject-ah Mizoram pumah pahnihna a ni.

Mizoram Board of School Education (MBSE) Aizawl chuan nimin khan HSSLC Exam-2017 result a tichhuak a, kum hmasa lamah 76.80% pass in kum 2017-ah chuan 74.86% an pass thung a ni. Kumin hian HSSLC-ah Exam beitu Mipa aiin hmeichhe an tam zawk a, Exam hmachhawntu hmeichhia 5,521 an awm laiin mipa 5,280 an awm thung a, exam beitu zawng zawng hi 10,801 niin zirlai pass zawng zawng 8086 an ni a, Distinction-ah mi 297 an pass a, First Division-ah mi 1,887, Second Division-ah 2,601 leh Third Division-ah 3,301 pass in zirlai pass chhuak zo ta lo mi 2,435 zet an awm bawk. Pass vek School 24 an awm laiin kum dang ang lo takin failed vek School an awm lo thung a. Hetihlai hian Compartmental chance nei mi 280 zet an awm bawk. Nikum 2016 khan HSLC hi mi 11,741 in exam-in, kum 2017-ah chuan mi 10,801 in an exam a. Kumtin HSSLC Exam beitu hi an tlahniam niin a hriat a. Kumin hian Zirlai 11,190 in exam hmachhawn turin an inziaklut a, mi 8,086 an pass chhuak a. Mi 2,435 an failed a ni. Mi 389 zet Exam leh lo an awmin, Exam laia hnawhchhuah an awm lo thung.
Arts Subject ah Top 10-ah mi 11 an awm a, Lalrinzuali d/o Lalzahawma Chinzah, Home Missions School, Aizawl chuan mark 500 ah 441 hmu in pakhatna a ni a. Science Subject-ah Top 10-ah mi 13 awmin Zomuansangi d/o Zothansanga, St. Pauls HSS, Aizawl chuan mark 451 hmu in pakhatna a ni a, Science-ah hian Samuel Malsawmzuala, JH. Laldingliana fapa, Serchhip Tuikhuah Veng chu St. Pauls HSS a\angin Mizoram pumah pahnihna a ni a. Commerce subject ah top 10 ah mi 11 awmin, mark 418 hmutu Joseph Vanlalrema S/o Jacop Pahlira, Oikos HSS, Aizawl chu pakhatna a ni bawk.
Arts Stream bikah zirlai exam tura inziaklut 8,466 zingah zirlai 8,138 in exam beiin, mi 5,952 in an pass chhuak a, Distinction-ah mi 148, First Division-ah mi 1,016, Second Division-ah 1782 leh Third Division-ah 3006 pass in Compartment chance nei mi 216 an awm a, mi 1970 an failed a, pass percentage hi 73.14% a ni.
Science Stream-ah zirlai exam tura inziaklut 1,955 zingah zirlai 1,919 in exam beiin, mi 1,562 in an pass chhuak a, Distinction-ah mi 121, First Division-ah mi 669, Second Division-ah 636 leh Third Division-ah 136 pass in Compartment chance nei mi 35 an awm a, zirlai 322 an failed a, pass percentage hi 81.40% a ni.
Commerce Stream bikah zirlai exam tura inziaklut 471 zingah zirlai 457 in exam beiin, mi 389 in an pass chhuak a, Distinction-ah mi 18, First Division-ah mi 83, Second Division-ah 135 leh Third Division-ah 153 pass in Com-partment chance nei mi 10 an awm a, mi 58 an failed a, pass percentage hi 85.12% a ni.
Vocational Subject-ah zirlai exam tura inziaklut 298 zingah zirlai 287 in exam beiin, mi 183 in an pass chhuak a, Distinction-ah mi 10, First Division-ah mi 119, Second Division-ah 48 leh Third Division-ah 6 pass in Compart-ment chance nei mi 19 an awm a, mi 84 an failed a, pass percentage hi 63.76% a ni.
Compartmental chance nei tan hian MBSE chuan exam nawn leh hun ni 20 June, 2017 khian a buatsaih dawn a, District hrang hrangah High School 8-ah Exam hi neih a ni anga. Compartmental Exam turte hi ni 25, May, 2017 (Ningani) a\ang ni 26, May, 2016 (Zir-tawpni) thleng Passport size copy 2 leh Certi-ficate kimchang nen exam Sentre Superin-tendent-ah dilna thehluh tur a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai