MBSE in HSLC Exam result nimin-a a tihchhuah ah Marian H/S Serchhip-a zirlai in pakhatna hauh

Mizoram Board of School Education (MBSE) chuan nimin khan kum 2017 High School Leaving Certificate (HSLC) Exam result tichhuakin Marian High School Serchhhip-a zirlai, Laldintluanga s/o C. Lalengthanga, Serchhip Chhim Veng chu Mizoram pumah pakhatna a ni.

MBSE in HSLC Exam result a tichhuah tak a\anga a lan danin kumin hian Zirlai exam tura inziaklut zawng zawng 15, 145 zingah 10,557 an passed a, Failed 3,867 an awm a, Compartmental chance nei zirlai 204 an awm a ni. Kumdang ang bawkin exam beitu mipa aiin hmeichhia an tam zawk a, mipa 6945 niin hmeichhia 7683 in exam an bei a. Exam laia hnawhchhuah leh Exam hmachhawn kimlo an awm lo bawk. Kumin hian Distinction-ah mi 1118 an pass a, First Division-ah mi 2989, Second Division-ah 3779, Third Division ah 2671 an awm bawk. Pass vek School 73 an awm laiin failed vek School 26 an awm thung. HSLC Exam result tihchhuah takah hian a pumpuiah mark 500 a\anga mark 474 hmutu Serchhip-a Marian High School zirlai Laldintluanga S/o Lalengthanga, Serchhip Chhim Veng chu pakhatna niin Subject zawng zawngah Letter Mark a hmu vek a, St. Pauls HSS zirlai Akash Jyoti Saho chu pahnihna niin, Holy Cross School, Aizawl zirlai, Janam Suopriya chu pathum a ni bawk. Top-10 ah hian zirlai 17 an lang a,  St. Pauls HSS, Aizawl a\angin zirlai 6 langin, Holy Faith School, Lunglei a\angin 3 an lang a, Home Mission H/S, Aizawl leh BC. Lalthlamuana English Academy, Champhai a\angin zirlai 2 an lang a, Marian H/S Serchhip; Holy Cross  School, Aizawl; Helen Lowry School Aizawl leh Mizo High School, Aizawl a\angin zirlai pakhat \heuh an lang bawk a ni.
District Wise in Regular-ah Aizawl District a\angin zirlai 80.18%, Private-ah 20% in an pass a, Champhai District-ah Regular 69.91% leh Private 33.33%; Kolasib District-ah Regular 63.77% leh Private 42.86%; Lawngtlai District-ah 55.20%; Lunglei District-ah 64.25%; Mamit District-ah Regular 55.23% leh Private 22.22%; Siaha District-ah 78.71% leh Serchhip District-ah 78.71% in an pass a ni.
Management wise in, Govt. Schools a\anga Exam beitu zirlai 63.95% ten pass in Dificit Schools a\anga exam beitu 96.17% in an pass bawk a, Aided Schools a\angin zirlai 67.00%, Lumpsum School a\angin zirlai 71.84% leh Private Schools a\angin zirlai 77.22% bakah Private Candidate 20.00% in an pass a ni.
Nimin vek khan HSLC (Old Course) Exam-ination, 2017 Result pawh tih chhuah nghal a ni a, a pumpuia zirlai exam 433 zinga 205 an pass-a, Pass Percentage chu 47.34% a ni a. An zinga 91 chu mipa an ni a, 114 chu Hmeichhia an ni. Distinction-a Pass an awm lova, I Division-ah 6, II Division-ah 23 leh III Division-ah 176 an pass-a, hlawhtling ve ta lo zirlai 228 an awm a ni. Tun \um hi HSLC (Old Course) Exam hnuhnung ber tur a ni tawh a ni.
Compartmental chance la nei zirlai 204 te tana exam hun tur hi MBSE chuan a ruahman fel nghalin June 20, 2017-ah Mizoram-a Centre 8-ah Exam hi neih leh a ni ang. 

Popular News

Mizoram-ah Faina Hapta hman \an leh a ni

Retailer bukna diklo 3 man