MBDPF te puhna ah Central YMA lawm lovin puh an nihna sawifiah turin hmalak mek a ni

Mizoram Bru Displaced People Forum (MBDPF) in Supreme Court-a Central YMA leh MZP te diklo taka a puhna vangin Central YMA a lawmlo hle a, diklo taka puh an nihna sawifiah a Court-a ding tur Ukil ruaiin, Central YMA chuan hmalakna a kalpui mek.

Central YMA Executive Committee (CEC) chu hemi chungchang ngaihtuah hian nizan hmasa khan Aizawl-ah an \hukhawm a, hemi hnua thuchhuah an siam ah, Mizoram a\anga mahni duhthu ngeia chhuak, Tripura Refugee Camp-a awm mek Tuikuk ten Mizoram Bru Displaced People Forum hmingin Supreme Court-ah India sorkar, Mizoram sorkar, Tripura sorkar leh Election Commission of India-te khinna an thehlut tih tarlangin, he an lehkha ah hian YMA leh MZP-te chu anmahni tiduhdah a, Militant ang hial a puh an nih vangin Central YMA a lawm lo hle tih tarlan a ni. "Supreme Court zahawm takin Tuikuk tena min puhna chungchang a insawifiah tura min tihna chu Central YMA chuan a \ul anga Supreme Court-a ding tur Ukil ruai a, min puhna diklo tak hi sawifiah a, thudik thehluh ngei \ha kan ti," tiin an thuchhuah ah chuan an tarlang a. Hei bakah hian Tripura Sorkar-in Adhaar Card tun dinhmunah a lo siam sak chungchang pawh a \ul anga chhuizui nise an ti bawk.
Thudawn danin, Mizoram Bru Displaced People Forum (MBDPF) ten Supreme Court a Central YMA leh MZP te chungchang a thlen dan chungchang insawifiah turin tunhnai khan Central YMA leh MZP te chu Show Cause Notice a rawn pe a, insawifiahna hun atana Supreme Court in hun a rawn bituk hun chu May 8, 2017 kha a ni a, amaherawhchu Central YMA leh MZP hian Court a\anga lehkha an hmuh hun nen a chawpchilh avang leh hun awmlo a an hriat avangin insawifiahna hun tikhawtlai turin Court ah ngenna an thehlut a, hemi ang hian Supreme Court chuan insawifiahna hun hi May 8 a\anga chhiara chawlhkar 4 chhung atan Central YMA leh MZP te hi hun a rawn pawhsei sak a ni.
MBDPF hruaitute hnen a\anga thudawn danin, Tripura-a awm MBDPF te hian, Supreme Court-ah India sorkar, Mizoram Sorkar, Tripura Sorkar leh Election Commission of India an khinna hi kum 2015 May/June thla chho vel ah khan an lo thehlut tawh a, an dinhmun leh an thilphut chungchang Supreme Court-in a ngaihtuah dan lungawithlak tawk loa an ngaih avangin Supreme Court-ah Public Interest Litigation (PIL) chu nikum November thla khan an thehlut nawn leh a ni.
PIL hi Supreme Court-a Bar Association General Secretary hmangin an thehlut a, a hmain an dinhmun leh sorkarin anmahni a enkawl dan a \ha tawk lo nia ngaiin pawl pahnih, Akhil Bharatiya Vanvasi Kalyan Ashram leh Asian Center for Human Rights-te'n Supreme Court-ah PIL an thehlut tawh a; chungte chu Supreme Court-in a ngaihtuah zawh hnu lawkah PIL thar an thehlut leh a ni.
Mizoram Bru Displaced People Forum (MBDPF) ten PIL an thehluhah chuan Tripura Relief Camp paruk-a Bru-te dinhmun te, an thilphut hrang hrang sorkarin a la ngaihtuah lohte chu Supreme Court-in ngaihtuah se an duh thute an ziak a, Akhil Bharatiya Vanvasi Kalyan Ashram leh Asian Center for Human Rights-in PIL an thehluh Supreme Court-in a tihtawp dan chu an duhkhawp loh thu an ziak bawk.

Popular News

Mizoram-ah Faina Hapta hman \an leh a ni

Retailer bukna diklo 3 man