HSLC leh HSSLC Exam-a Top-10 te hnenah Larsap in lawmpuina leh chawimawina a hlan

/
Mizoram Board of School Education (MBSE) in kumin a HSLC leh HSSLC Exam a buatsaiha Top Ten-a lang zirlaite chu an sikul Principal leh an nu leh pate nen nimin khan Larsap, Lt. Gen. (Rtd) Nirbhay Sharma chuan Raj Bhawan-ah sawmin heng zirlai ti\hazual 62-te chu lawmpuina Certificate leh sumfai a hlan.
Mizoram Governor chuan HSLC leh HSSLC 2017 Top Ten te chu an hlawhtlinnaah a lawmpui thu sawiin, an zirlaipui dangte tan entawn tlak ni zel turin a fuih a. Zirna kawngah heng Board Exam pahnihte chu pawimawh tak leh mipuite pawhin an ngaihven ber a nih thu sawiin, zirlaite tan an nakin zel hun atana an inbuatsaihna rahbi pawimawh tak a ni, a ti bawk a. Tuna an hlawhtlinna chu duh tawk mai lovin, tumruhna leh hmathlir neih rana lehkha zir zel turin a chah a, an zirtirtute thawhrimna leh an hlawhtlin theih nana an nu leh pate inpekna theihnghilh lo turin a hrilh bawk. Larsap chuan Mizo \halaite chu theihna leh thiamna tam tak nei mahse nunphung leh thil chin \halo heng- Vaihlo, Zu leh Drugs te hi hawisan ngam turin zirlai leh \halai zawng zawngte a chah a. Mizo naupangte chu hmundanga naupangte aiin an nep bik lova a hmuh thu sawiin, Mizo \awng bakah \awng dang- Hindi leh English thiam a \ulzia te, Science, Mathematics leh Technology lamah tui zual tura a duh thu te leh nakin hunah an eizawnna lam an thlan hunah an tuina zawng tak thlang thiam turin a chah bawk.
Nimin a Larsap in HSLC leh HSSLC 2017 Top Ten zirlai chawimawina hunah hian Mizoram Governor hian HSLC leh HSSLC Stream tina pakhatna te chu Rs. 7000/- leh thuziak hlan \heuhin pahniha te chu Rs. 5000/- leh thuziak a hlan a, pathumna te chu Rs. 3000/- leh thuziak hlanin palina a\anga Sawmna thleng te chu Rs. 2000/- leh thuziak a hlan \heuh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »