Latest News

District chhunga thingtlang khua in inthiarna nei vek tawh

Sorkar laipui in India ram faina atana hma a lakna Swachch Bharat Mission (SBM) hnuaiah Serchhip District chhungah nasa takin hma lak chhoh mek zel a ni a, thingtlang khua bika hma-lakna, SBM (Gramin) hnuaiah Serchhip District chhunga thingtlang khua zawng zawngte chu Open Defecation Free, khawlaia inthiar awm tawh lo-ah an inpuang tawh.

Serchhip District-a SBM (Gramin) kalpuitu PHE Department, Serchhip WATSAN Division chuan khua zawng zawngten ODF-a an inpuanna hi an dawng tawh a, heng ODF-a inpuang khua te hi endikna hrang hrang hmangin Block Level Committee-in an endik leh vek dawn a, Block Level Committee hian endik hna pawh an \an nghal a ni.
PHE Department hnuaia Community Capacity Development Unit (CCDU) kaihhruaina in tunah hian Serchhip District chhunga SBM (G) hmalakna te enfiahin Documentary film pawh siam mek a ni a, heng team hian tukin hian Kei\um leh Bungtlang-a hmalakna te an tlawh leh ang a, vawiin vek hian Aizawl lam pan pahin Baktawng a PHE Department puihnaa bawlhhlawh tuiril an paih dan (Liquid Waste management System) pawh an en nghal dawn a ni. Hetihlai hian District chhunga khawpui pawh ODF a puang tur hian hmalak mek zel a ni bawk.

Comments

Popular News (Last 30 Days)