Consumer te i harh ang u - X

State Bank-in ATM hman man a tisang leh dawn

- Laldinpuia
Secretary,
Serchhip District Consumer Association

India rama Bank lian ber leh Customer ngah ber State Bank of India (SBI) te chuan tunhnaia Service Charge nasa taka an tihdanglam hnuah, tuna Service Charge an hman mek hi ennawn lehin June 1, 2017 a\anga hman turin Service Charge thar lak a ni dawn.
He Service Charge lak thar dan tur hi hetiang hi a ni ang – ATM a\anga pawisa lakchhuah(withdraw) reng rengin vawikhat lakchhuah ah Rs. 25/- zel a in cut tawh dawn a ni. He charge hian ATM Card RuPay Classic Card hmangtute erawh a huam lovang. Tunah hian State Bank ATM a\ang hian Account pakhatin thlakhatah a thlawnin vawi li (4) pawisa a lachhuak thei a, vawi li aia tam ATM a\anga pawisa lakchhuah a nih chuan Bank Counter a\anga lakchhuahin Rs. 50/- + Service Tax, State Bank ATM Booth a\anga lakchhuahin Rs. 10+Service Tax leh Bank dang ATM Booth a\anga lakchhuahin Rs 20+ Service Tax chawi zel a ngai tawh ang. Heng pawisa chawi tur te hi khawlin kan Account a kan balance awmsa a\ang khan a lo cut mai dawn a ni. Hetianga ATM hman a\anga chawi a awm takah phei chuan tum lohvin kan pawisa hi a incut zel dawn tihna a ni a, chuvang chuan mipui te \ul lova pawisa lakchhuah leh ATM a\anga kan lak kan lak \hin hian kan fimkhur loh chuan kan account a\angin pawisa kan chawi zel dawn tihna anih chu.
Pawisa lachhuak lova, ATM emaw Green Channel emaw Internet Banking kaltlanga fund transfer kan siam erawh chuan chawi a tlem thung. Cheng nuai 1 chinah Rs. 5+ Service Tax chawi tur a ni a, cheng nuai 1 a\anga nuai 2 chinah Rs. 15+ Service Tax chawi a ngai bawk ang. 
State Bank hian kumin April 1 a\ang khan Service Charge thar an hmang a, hei hi mi tam takin kan la hre tawklo hle a, chutihlai chuan an Service charge thar hman mek hi tidanglam leh nghalin tunah hian ATM hman man hi an rawn tipung leh ta a ni. 
Hetianga India rama Bank lian ber State Bank tena Service Charge leh Cash handling charge an rawn la chiam mai hi, Modi-a sorkar a Cashless Transaction promote na chikhat ni a ngaih theih a ni a. India ramah hian pawisa lem a tam em em mai a, tunah pawh hian Rs. 2000/- note lem hi hmuh tur a awm leh \euh tawh mai a, chuvang chuan sorkar hian dan lova pawisa lem siam \hin te ven nan leh India economy dinhmun chawikanna atana pawimawh ber ni a a ngaih angin Cashless Transaction hi an kalpui ta chiam niin a ngaih theih.
Nikum November 8 zanlai a\angin India Prime Minister Narendra Modi-a chuan India rama Rs. 500 leh Rs. 1000 a ti thi thut mai a, khata \ang khan mipui kuta pawisa hi a tlem thei ang ber dah tumin Cashless Transaction an promote nasa hle a, sorkar transaction zawng zawng te pawh Cashless hmanga tih vek a ni ta a, tin, mipui lama pawisa leh subsidy pek \hin te pawh Cashless vekin Bank transfer kaltlang a buaipui a ni ta vek a ni. 
He Cashless Transaction hi awlsam zawka India mipui ten an hman a, an kalpui theih nan Dec 30, 2016-ah khan Prime Minister Modi-a’n New Delhi-ah Mobile Phone Application thar Bharat Interface for Money(BHIM) tih chu a lo release tawh bawk a, he Mobile Application hi a hmang thiam tan chuan a awlsam hle a, awlsam taka pawisa inthawnna atan a \angkai hle.
Kan hriat angin tunlai khawvel a changkang tawh a, thil thar a chhuak thut thut a, heng dan thar leh thil thar te hi a kalhmang hria tan chauh a siam a ni lova, India ram mipui zawng zawng nghawng nghal thei anih \hin avangin mipui ten kan hriat chian a, kan lo belhchian ve hi a \ul hle a ni. Consumer te hian kan ram kalphung thar leh tihdan thar te hi belchiang ila, keimahni ham\hatna leh kan dinchhuah nan hman \angkai i tum \heuh ang u.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai