U-14 & 17 Football Tournament zofel

Serchhip District Football Association (SDFA) buatsaih Under-14 leh Under-17 Football Tournament chu Vawiin khan Final khela zawhfel a ni a, he Tournament kharna inkhawm Vawiin a neih chu MJA Serchhip District President, C. Lalhminghlua chuan khuallian niin a hmanpui a ni.

He Tournament kharna inkhawm Lei-sekawt Mual-a neih hi Serchhip District Football Association President, Zomuana Hnamte chuan kaihruaiin he huna Khuallian MJA Ser-chhip District President, C. Lalhminghlua chuan Football chu tunhma lama alo khelh ve tawh \hin thu sawiin, infiamna nuam leh hlut hlawh tak a nih thu a sawi a, FIFA World Cup Football phei chu ‘The Greatest show on Earth’ tih hial a nih thu sawiin, chutiang khawpa infiamna ngaih-hlut hlawh buaipuitu an ni chu an vanneih zia in hre reng turin infiammi leh Football Association hruaitute chu a chah bawk.
MJA President chuan mi tlawmngai ten Football in hma a sawn theihna tura hlawkna pawh nei lova District Association an kaihruai \hin chu lawmawm a tih thu pawh sawiin, heng mite chhuanawm a tih thu a sawi a, “Kan Bible chuan kan \hatlai kan chen min phalsak a, kan \hatlai kan chen-na atan Football hi a \ha a, tha za kan lanchhuah tirna atan pawh a \ha a ni,’ tiin Football chu in\hian \hatna atana \ha tak a nih rualin he in\hian\hatna a\ang hian ruihhlo khawih palh a awlsam thu pawh a sawi a, hemi kawng ah hian infiammi te chu an fimkhur a \ul thu sawiin, kan khawtlanga infiamna hmunhma tih hma-sawnna tura sorkar hmalakna hrang hrangte lo dawnsawn thiam a \ul thu a sawi bawk.
He Tournament kharna inkhawm neih a nih hnu hian Under-14 Football Tournament hi Final khelh nghal a ni a, Sub-Junior (Under-14) Foootball Final-ah hian FC Serchhip Kawnpui leh Bungtlang Chhim Veng FC te intumin Bungtlang Chhim Veng FC hi 2-1 in an chak a, Bungtlang Chhim Veng FC tan hian Francis Rem-ruatpuia leh Malsawmtluanga ten goal khungin FC Serchhip Kawnpui tan hian Malsawmtluanga chuan goal khat a khung ve bawk a ni. He Tour-nament-a champion, Bungtlang Chhim Veng FC hian Rs. 3000/- leh Certificate dawngin pahnihna, FC Serchhip Kawnpui hian Rs. 1500/- an dawng a, goal 6 khungtu Hmingthanzuala, Bungtlang Chhim Veng FC chu Top Scorer niin Francis Remruatpuia, Bungtlang FC chu Best Player atan thlan a ni bawk.
Junior (Under-17) Football Final-ah hian Vengchung FC chuan P&E FC chu sikhat faia hnehin an champion bawk a, champion hian lawmman ah Rs. 5000/- leh Certificate dawngin pahnihna hian Rs. 2000/- leh Certificate an dawng a, Vengchung FC tana goal awmchhun hi Lal-hmingmuanpuia khung a ni. Final a Vengchung FC chakna goal khungtu Lalhmingmuanpuia hian tun Tournament chhung hian goal 5 khungin Top Scorer a ni a, C. Lalchhuanmawia, Vengchung FC chu Best Player atan thlan a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai