Sports Stadium ami tur Artificial Grass rawn phurh thlen a ni

Serchhip Hmar Veng-a Stadium sak meka phah tur Artificial Grass chu Inrinni khan Serchhip rawn phurh thlen a ni.
Mizoram sorkar in Serchhip Hmar Veng-a Stadium a sak mekah hian Arti-ficial Grass phah nghal tur a ruahman a nih angin Grass phah tur hi Inrinni khan Truck pathum hmanga rawn phurh thlen a ni a, Grass te hi Roll 27 niin Roll khat hi meter 4.05 a hlai niin meter 65.20 a sei a ni thung a, pakhat hi SqM 264.06 a hlai a ni a, Malaysia a\anga lakluh niin Roll khat hi quintal 6 zela rit a ni.
Tunah hian Field chhung hi Grass phah theihna turin siamrem hna thawh mek a ni a, amah-erawh chu duh anga tam Lung phah tur an hmuhloh avangin hna a sawt theilo tih helai hmuna hnathawk viltute chuan an sawi a, a hma lama an lo sawi tawh angin June thla tawp lamah chuan peih hman an la in beisei tho tih an sawi bawk.
Serchhip Hmar Veng, Sports Complex Field-a Stadium sak hna hi Agni Shanti Pvt. Ltd. chuan thawk mekin cheng vbc. 11 senga sak a ni a, tunah hian Pavillion Block chu zofel thawkhat tawhin mipui \hutna tur Block hrang hrang te pawh peihfel thawkhat a ni tawh a. He Stadium-ah hian mipui 5000 leng thei tura beisei niin, VIP Block ah \hutna 1000 dah a ni.
Serchhip Hmar Veng Complex Field-a Football Stadium sakna tur lungphum hi 9th Oct. 2010 khan phum a ni a, thla 18 chhunga sak zawh tura tih niin a tirah NBCC hnuaiah BGM Company ten Stadium sak hna hi thawkin amah-erawh chu an hna a muan avangin anni hi tihtawp an ni a. Hemi hnu hian Agni Shanti Pvt. Ltd. te hian hna hi chhunzawmin, Sports Minister, Zodintluanga chuan Nov., 2014 khan Mizoram hmun dang zawng aiin Serchhip-ah Artificial Grass phah tumin Project an siam hmasak thu leh Contractor te’n an thawh muan em avangin District dang dang ah an hawn hmasak phah thu alo sawi tawh a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai