Serchhip-ah SEDP Launching Programme hman a ni.

‘NLUP vangin sorkar hnathawk ten thawh tur an haihchham’ - Dr. Thangtea



MNF Vice President, Dr. R. Lalthangliana chuan Congress NLUP avangin sorkar hnathawkten thawh tur an haihchham a, an Office rawkin a awm a; MNF SEDP vang erawh chuan thawh tur an haihchham lovang a, cheng vbc. telin kan thuam ang, a ti.

MNF East Block Serchhip in nimin a New Serchhip YMA Hall-a SEDP Launching Programme an hman Khuallian nia hmanpuiin he thu hi MNF Vice President, Dr. R. Lalthangliana chuan a sawi a, Dr. R. Lalthangliana chuan MNF an sorkar chhung khan thil \ha tam tak an tih thu sawiin, “Sum awm lovah bul \an mah ni ila; District hrang hrang la function lohte kan function tir a. Department hrang hrang tiphuisuiin kan ti lian a. PMGY/Rural Connectivity hmangin thingtlang hmun kilkhawr ber pawh kawngpui kan tlawh chhuah tir deuh vek a. World Bank Project hmangin Thenzawl, Lunglei thlengin kawngpui kan sial a. Zirlaibu a thlawna semin sikul naupang chhunchaw kan pe a. Durtlang kawng kan siam \ha a, Truck leh Bus Terminal hrang hrang te, Millenium Centre te, Police Battalion tam tak la tharin New Capital Complex te kan din a. Kan hnathawhte kha \umkhata sawisen rual a ni lo. Chutihrual chuan, sorkar, mipui leh mimal angin mi tam tak rilru kan tihnat zawng zawngah MNF aiawh leh mimal angin ngaihdam ka dil a ni,” a ti.
MNF Vice President chuan tun a\anga kum 15-ah mi thil chhut mite chuan India ram pumah Congress hi ding chhuak tawhlo turah an ngai nia sawiin, “Kum 2014 Congress sorkar chak vanglai leh an pawisa ngah lai berin MP Seat 543 awmah Seat 44 chauh lain, Parliament (Lok Sabha)-ah Opposition pawh an tling zo tawh lo. Inthlan a piangah tla zelin Delhi UT-ah MLA seat khat mah an nei lova. Nikum May thla a State-5 inthlan ah an tla zawih zawih a. Arunachal leh Nagaland-ah pawh MLA pakhat ve ve chauh an nei tawh. India ram Bung 40 velah Congress chuan State 5 ah chiah sorkarna an siam tawh a. Nakum 2018-ah Pathian leh mipui zarah Congress hi paih thlaka awmin MNF hian sorkarna kan siam ngei dawn a ni,” a ti.
Dr.Thangtea chuan MNF an sorkar chuan zu zawrh titawpin, School timing pawh kan hnam ze milin an ennawn ang tih a sawi a, “MNF a sorkar velah SEDP hmangin sorkar tuk a\angin Minister-te dawhkan-ah an tih tur kan chhawp nghal dawn a ni. Congress ho chuan sorkar tukah NLUP sem tur angin an insawi a, an sorkar a\anga kum 2 leh a chanve velah mitlemte hnenah cheng sing hnih thumin an sem thei chauh a, chhangkhat takin an pe a, hlawhtlin pui ngaihna a awm lo,” a ti a. SEDP chu a pawng a puia sem ve nghal ngawt a ni dawn lo tih pawh sawiin, “A thawh \anna sum pein, a thawh chhung ei tur te, a thawh chhunzawmna leh a chi man thlengin a pein, a enkawl chhunzawmna tur leh a hralhna tur thlengin kan ngaihtuah fel sa a ni,” a ti a. “A rate chhiat thutah pawh Price Support hmangin kan chhawm-dawl dawn a. Sorkar hnathawk awm ve lohna chhungkua ah sorkar hna emaw, Company leh Corporation-ah thla tin hlawh an lak theihna kan siam sak vek anga. Lehkhathiam hna hmulote chhawmdawlna \ha tak 'stipen' pawh kan ngaihtuah sak ang,” a ti bawk.
Nimin a SEDP Launching Programme hi MNF General Hqrs. a General Secretary, Serchhip District bialtu, Lalthanliana chuan kai-hruaiin Er. Lalrinawma, MLA leh PC. Lalhming-thanga, AMC Mayor te pawhin thusawiin, SEDP Drafting Committee Member Dr. C. Sangzuala leh Dr. F. Lalnunmawia te chuan Power Point hmangin SEDP awmzia leh a nihphung te, a chhawmdawl dan hrang hrangte hrilhfiahna neiin an entir nghal a. He hunah hian Hrangturzo West MNF Block te, Tuikum MNF Block te, Serchhip MNF Block East leh West a\angte Party mi \hahnem tak an tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai