Salvation Army ten thisen pe

Serchhip District chhunga Salvation Army Youth te chuan Inrinni khan Salvation Army Indian Eastern Territory kum 100 tlin lawmna atan damlote hman turin Serchhip-ah thisen Unit 37 an pe.
Salvation Army Indian Eastern Territory kum 100 tlin lawmna atana thisen pek runpui hi Salvation Army Serchhip Corps YP Hall, Serchhip AOC Veng-ah neih a ni a, Serchhip District chhunga CO bial 3- Serchhip CO Bial, Chhingchhip CO Bial leh Thenzawl CO Bial chhunga Salvation Army \halai ten thisen hi an pe a, heng CO bial pathum ah hian Corps 6 awmin heng a\ang hian\halai te rawn kalin thisen hi an pe a, thisen petute hi Mipa 33 leh Hmeichhia 5, an vaiin 37 an ni a. Serchhip Blood Bank a\angin Dr. K. Lalchhanchhuahi leh a thawhpui ten thisen hi an lak sak a ni.
Salvation Army Serchhip Bial CO, Capt. Timothy Lalhlimpuia chuan Salvation Army Indian Eastern Territory kum 100 tlin lawmna pual hian Mizoram District tin leh Aizawl-ah a remchan dan anga thisen pek runpui neih tura ruahman anga thisen hi pe an nih thu a sawi a. Salvation Army hi April 26, 1917-ah Lt. Col. Kawlkhuma chuan Mizoram-a Aizawl-ah dinin tunah hian an Territory huamchhung ah hian Officer Active 245 leh Pension tawh 70 an vaiin 315, Cadet (Officer zirlai) 18, Corps (Kohhran) 231 leh Out-Post (Kohhran puitling la ni lo) 160 a awm thu leh Member 51,000 an awm thu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man