Latest News

RBSK hnuaia hmalak dan tur zirhona Serchhip-ah neih a ni

Rashtryia Bal Swasthya Karyakram (RB-SK) hnuaiah nau pianghlim leh kum 18 hnuailam piansualna leh rualbanlohna neite zawnchuah hna thawh tur inzirtirna, One Day Facility Based Training chu nimin khan Serchhip-ah neih a ni.
He training hi CMO Conference Hall-ah neih niin Ministry of Health & Family Welfare, National Health Mission (NHM) bultuma neih a ni a, Dr. Lalhlunpuii, MO chuan nausen piang hlim za zela 6 hian natna an nei sa a ngaih an ni a, chungte chu hmuhchhuah thuaia enkawl an nih loh chuan piansualna leh thihna hial thlen thei anih avangin an pian hlimchhawn a\angin nausente hi enkawl thuai an ngai tih sawiin, hei hian a tum pawimawh tak pakhat chu, nausen thi zat tih tlem a ni, a ti.
He hun ah hian NHM hnuaia Child Health Screening & Early Intervention Services kalpui mekah nausen pianghlim leh kum 18 inkar pian-sualna, natna nei te, tlakchham nei te, taksa lam harsatna neih avanga piansualna leh rualban-lohna nei te bakah leh \hang\ha theilo te zawnchhuah hna leh a enkawlna hmun dik taka enkawlna an dawn theihna tura ruahmanna siam dan te zirho a ni.
NHM hnuaia Child Health Screening & Early Intervention Services atan hian Mizoram District tinah Rashtryia Bal Swasthya Karyak-ram (RBSK) Team an awmin, RBSK Team, AYUSH Doctor, Dental Surgeon leh Health Worker te awmna Team te hi hmun hnihah in \henin, anni hian District chhung khaw hrang hranga Zirna In leh Aganwadi Centre-a naupang hetiang lama harsatna neite zawngchuakin District Hospital leh Aizawl-ah te an refer \hin a ni.
He training a tel Serchhip District chhunga PHC leh CHC tin a\anga Medical Officer te leh District chhung khaw tina Sub-Centre-a nau-chhartu (Health Workers) te telin Dr. Lalhlunpuii, Nodal Officer, NHM (Child Health) RBSK Ser-chhip District leh Dr. K. Lallawmzuala, MD, District Hospital Serchhip ten zirtirna an pe a ni.

Comments

Popular News (Last 30 Days)