New Serchhip Venglai-ah bungraw chuh hman lohin chenna In pakhat a kangral

Ningani (April 13, 2017) chhun dar 12:15 vel khan New Serchhip Venglai Branch YMA huamchhunga F. Lianchama (L) In, Lalramnghaka te nupa luahlai chu a kang a, bungrua engmah chuh hman a ni lo.
He In hi Assam Type building niin New Serchhip Venglai-a Pioneer Camp \hin chhuahlam a awm a ni a, F. Lianchama In niin a boral hnuah a unaupa, Lalrintluanga Fanai, New Serchhip Bazar Veng ami ten enkawl zuiin Lalramnghaka te hian an luah a, he In kan lai hian In luahtute hi an awmloh avangin kangmei chhuah chhan hi chiang taka hriat a ni lova, he In zawm hian kawng-an ah mei chhemna In sak zawm niin mit-a hmu hmasatute chuan he an mei chhemna In a\ang hian kangmei hi a in\an nia an hriat thu an sawi.
In kang hi naupang khawlaia awm ten hmu hmasa in puitling an hrilh hnuah a \henawm hnaia awm ten \helh nghalin Fire & Emergency Services te hriattir nghal an ni a, he In kang hi Fire Station a\anga meter 500 vel chauha hlaa awm a nih avangin kang\helhtute hi a hmunah thleng nghalin kangmei \helh hna hi an thawk nghal a, amaherawh chu In chhunga bungrua him tur erawh chuan \helh hman a ni talo thung a, a \henawm hnaite-a In awm pahnih, Assam Type ve ve te erawh chu an veng hman thung a ni. He In kang ah hian bungrua engmah chuh hman a ni lova, In chhunga bungrua awm zawng zawng laktlak awm lova kangchhe vekin bungraw kangchhe zingah hian TV, Fridge leh Tuizem (Sintex) leh thawmhnaw dang te a tel a ni.
Kangmei chhuahna hmun hi Serchhip DC Office a\angin Sub-Deputy Commissioner, Vabeimozachhi Chozah chuan tlawh nghalin thil awmdan a enfiah nghal a, sorkar a\anga \anpuina awm thei ang ang te ngaihtuah sak an nih tur thu a sawi bawk.
He In kang senghawi dan tur chungchang hi Ningani vek khan New Serchhip venglai Branch YMA leh New Serchhip South Village Council hotute chuan sawiho nghalin In neitute hian khawtlang pun lova In kang bang senghawi an duh avangin Vawiin hian hnatlang nei lovin an senghawi dawn a, In luahtute hi In luah tur dang zawn sak an nih dawn bawk a ni. Kangmei tuar te tana sorkar a\anga chhawmdawlna awm te chu Dan angin In neitute hian an chang bawk anga, kangmei tuar te tana vehbur khawnkhawm erawh In luahtute hian an chang dawn thung tih New Serchhip South VC te chuan kan Palai an hrilh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man