India rama UN Agency International Fund for Agricul-ture Development (IFAD) palai ten Mizoram tlawh

Mizorama kuthnathawktute dinhmun zir chiang tur leh hmalakna hrang hrang ngaihven turin International UN hnuaia IFAD Design Mission Team te chuan niminpiah khan Aizawl an lo thleng.
International Fund for Agriculture Development (IFAD) Design Mission Team member 11 te hian niminpiah vek khan Secretariat Conference Hall-ah Mizoram sorkar hnuaia Department hrang hrang hotute an kawm nghal a. Inkawmhona hi Chief Secretary, Lalmalsawman a kaihruai a ni. Chief Secretary chuan IFAD leh Mizoram sorkar in thawhhona \ha tak an neih chhoh theih nan Mizoram sorkar hnuaia Department kaihhnawih ten theihtawp chhuah a, Implementation fimkhur leh chak taka kalpui a nih tur thu kalkhawmte chu a hrilh a. IFAD leh Mizoram sokar \angkawp te tum ber chu Mizoram chhunga mirethei te dinhmun chawikan, ramngaw leh nungcha humhalh, kuthnathawktute tharchhuah hralhna tur market ngaihtuah leh ei leh bar lama intodelh te a ni, a ti.
Meeting-ah hian NLUP Implementing Board Vice Chairman, State Planning Board Member Secretary, PL. Thanga’n Mizoram Integrated Agriculture, Natural Resource Management and Livelihood tih thupui hmangin project duan mek a hrilhfiah a. Project hian Mizoram chhunga District 4 - Serchhip, Champhai, Kolasib leh Mamit chhunga RD Block 11 a huam dawn a, Mizoram chhunga Lo hal \hin chu kalsan a, Lo neih dan ngelnghet zawk leh tharchhuah sawngbawl, hralh na tur haichhuah leh a phurhchhuah nan kawng \ha neih lama hmalak chu sorkar thil tum anih thu a sawi. 
IFAD hi United Nations hnuaia Specialized Agency niin kum 1977 khan din a ni a, kum 30 chuang India ramah retheihna umbo a nih theihnan hna an lo thawk tawh a ni. IFAD India hotu Pi Rasha Omar, Country Representative for Asia and Pacific Region leh Pi Meera Mishra, Country Coordinator te chu nikum November thla khan sorkar hotute leh NGO te kawm turin zankhat riakin an rawn zin tawh a ni.
International Fund for Agriculture Development (IFAD) palai te hian niminpiah tlai vek khan Chief Minister, Lal Thanhawla chu a chenna In ah kawmin IFAD in Mizoram-a hmalakna an neih tum dan chungchang an sawiho a. Chief Minister chuan IFAD in Mizoram leh Nagaland-ah te hlawk zawk leh boruak (environment) ti chhe zawng tlangram lo neih dan enkawlna \ha zawk duanga hmalak an tum chu lawmawm a tih thu sawiin, tih tur la awm te chu a rang thei ang bera tihfel sak turin a ngen a. Nakum January thla vela \an tur he project hi Mizoram Sorkar leh loneituten a nghakhlel hle tih a sawi bawk. He Programme hi kum 6 daih tura ruahman a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai