“Budget hi campaign nana hman tham anih lo chuan a tha lo tihna a ni,” - Lal Thanhawla

MPCC President leh Chief Minister ni bawk, Lal Thanhawla chuan, “Budget hi campaign nana hman tham anih lo chuan a \ha lo tihna a ni,” a ti.
Nimin a Aizawl Congress Bhavan Golden Hall-a Political Session neih ah MPCC President, Lal Thanhawla chuan thu sawiin ,“Tun \um kan budget hi a \ha hle a niang, a sawi chhe nasa ber pawhin, ‘inthlan campaign budget’ a ti a, a \ha hle tihna a ni. Achhan chu budget hi campaign nan a hman tham anih lo chuan a \ha lo tihna a ni,” a ti. Chief Minister chuan Fiscal Management thiamlo-ah puh \hin an nih thu pawh sawiin, “Mahse anni thiam tih leh keini thiam tih a inang lo. Anni chuan sorkar chhunga inti hausa thei apiang kha thiam an tih a ni,” a ti a. NLUP pawh a \hat em avangin party 5 President ten central sorkar-ah titawp turin an zuk hek tih sawiin, mahse Prime Minister Narendra Modi chuan a pawm lo niin a sawi a, “Tunah hian a \hat em avangin state dang te pawh entawn ve rawh u a ti zawk a ni,” a ti. Chief Minister chuan Lo hal hun chungchang pawh sawiin, tumah in khawchin an hriat loh avangin tunah hian a hunah Lo hal thei aram awm lo khawpin khua a chhia tih a sawi a, “Hei vang hian mahni remchan dan ang anga Lo hal mai hi tun \um atan chuan a \ha mai em tih kan sorkar hotute ngaihtuah dan a ni,” a ti bawk.
Nimin a Congress Party in Political Session an neih ah hian Finance Minister, Lalsawta pawhin Mizoram Budget chungchang sawiin, “Keini chuan kan duh leh mamawh leh ram tan a \ha tura kan hriat ang in kan kal \hin a. Party dangte erawh chu an hotute ngaipawimawh zawng angin sorkar a kal a, Ek In kal thei, engine nei lo, pakhat nuai 6 man lai pawh sorkar thuneituten an ngaih pawimawh hunlai chuan tam tak kan nei mai a ni,” a ti a. Lalsawta chuan, “Pu Hawla sorkar-in a ngaihpawimawh chu kan unau rethei tak tak te khaichhuah a, Mizoram hi state hausa kan lo nih ve na atana inbuatsaih hi a ni,” a ti bawk.
Home Minister, R. Lalzirliana pawhin he hunah hian thu sawiin NLUP-ah a thlawn a sem tak tak engmah a awm lo tih a sawi a. “MNF ten NLUP entawn bawkin SEDP an rawn ruahman a, anni hian an sorkar laiin, an lei tak tak leh tak takloh chu ka hre lova, a ziak ah chuan an\am chi ringawt pawh quintal 1000 chuang lei thei anni a, tun \umah pawh an hotupa ber chuan kum 10 chhung an sorkar chu “aite chhinna” a ni a ti leh tawh a. ‘Ka Chief Minister leh chuan ka thiam tawh ngawt ang’ tih tunhnaiah a sawi pawh party \henkhat leh mi \henkhat chuan, ‘Pu Rama hian a CM leh chuan vaibelchhe tam tak mualpho loin a eiru thiam tawh dawn em ni’ tiin an ngaihtuah sak zawk a ni,” a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man