Latest News

Serchhip-ah World TB Day hman a ni

World TB Day, March 24-a hman \hin chu Inrinni khan Serchhip-ah hman a ni a, kumin chhungin Serchhip District-ah TB vei mi 16 hmuhchhuah an ni tawh.
World TB Day hi kumtin March 24-ah hman \hin niin kumin hian Ser-chhip-ah sorkar Ni pawimawh, Chapchar Kut hman a nih avangin Inrinni khan Serchhip-ah he Ni pual huan hun hman a ni a, he Ni puala inkhawm, Serchhip damdawi In OPD building-a neih hi District TB Officer, Dr. Lalhlunpuii chuan kaihruaiin Chief Medical Officer, Dr. Lal-dawngliana Sailo chuan he hun hi a hmanpui.
He hunah hian Dr. Laldawngliana chuan TB natna chu mi tu pawhin an vei theih a nih thu sawiin, naupan lai a\anga a hrik lo pai reng te pawh a awm theih thu leh taksa hrisel leh chak deuh avanga lo langchhuak lo mai chauh te pawh a nih theih thu a sawi a. HIV hrik pai te, Zunthlum te, leh Meizial zu nasa ah te he natna hi a langchhuak hma tih sawiin, khuh reh theilo, chhan hriatloh a khawsik reh theilo te leh rihna tlahniam te bakah zan lama thlan tuiin a bual nasat \hin ho ah hian he natna hi a lang chhuak rang \hin a, chuvang chuan hetiang lama harsatna neite chuan a ranglama inentir thuai \hin tur a ni, a ti bawk a. TB natna enkawlna chu a thlawn vekin damlo ten an dawn \hin thu na sawi bawk.
He hunah hian District TB Officer, Dr. Lalhlunpuii chuan TB natna chungchanga Ser-chhip District dinhmun tarlangin kum 2015-ah he natna vei mi 71 hmuhchhuah niin mi 3 in an thihpui thu a sawi a, kum 2016-ah he natna vei 69 hmuchhuakin mi 5 in an thihpui thu leh kumin, thla 3 vel chauh kan la hman chhungin he natna vei mi 15 hmuhchhuah an nih leh tawh thu a sawi bawk.

Comments

Popular News (Last 30 Days)