Serchhip-ah Under 14 leh 17 Football Tournament khelh tan a ni

Serchhip District Football Asssociation buatsaih Under 14 leh 17 Football Tournament chu nimin khan Serchhip P&E Veng-a Leisekawt Mual-ah khelh \an a ni.

He Tournament hawnna inkhawm, Serchhip District Football Association Vice President, Zolianmawia kaihhruai a neih ah Khuallian, Serchhip District Sports Committee Chairman, Lalremruata Ralte chuan hetianga Football-a kum lama naupang zawkte inelna tur buatsaih a ni chu lawmawm a tih thu sawiin, Age Group Level inelna ah mi \henkhat ten kum inziak naupanga khelh an tum \hin chu \halo a tih thu leh a kum bithliah a khel thei ngei ten khelin, Team enkawl turte pawhin naupang kum dik tak hriatpui ngei se a duh thu a sawi a ni.
District Sports Committee Chairman chuan Zuk leh hmuam leh ruihtheih thil dang te chu infiammi te tan tih ve chi a nih loh thu sawiin, hetianga ruihtheih thil ti chunga infiammi te tan hlawhtlin a harsat thu leh insum thei te tan chuan hlawhtlinna sang zawk changin, dinhmun \ha zawk chan theih a nih thu a sawi bawk. District Sports Committee Chairman chuan Football lama Serchhip mipui ten an nghahlelh em em, Artificial Turf phah tura hmalak mek a nih thu pawh sawiin, Serchhip Hmar Veng-a Sports Complex Stadium chu Inrinni khan District Sports Committee hruaitu ten a hmuna an tlawh thu leh hun reilote chhungin Phullem hi phah zawh beisei a nih thu a sawi bawk.
He Tournament-ah hian Under-14 ah team 10 leh Under-17 ah team 14 an tel a, April 7-ah zawhfel a ni ang.

Popular News

Mizoram-ah Faina Hapta hman \an leh a ni

Retailer bukna diklo 3 man