Presbyterian Kohhran Hmeichhe Inkhawmpui Lian Serchhip-a neih chu zawhfel a ni

/
Zirtawpni zan a\anga neih Mizoram Presbyterian Kohhran Hmeichhe Inkhawmpui Lian Vawi 47-na, Serchhip P&E Veng Leisekawt Field a neih chu nizan khan a \iak ta.
Khawchhe tak hnuaia neih he khawmpui ah hian Inrinni khan khawmpui Rorel Palai te chuan Serchhip Kawnpui Kohhran Biak In-ah ro relin an thu rel zingah sual thupha chawi tur leh chhiatna laka Mizoram him theih nan awmni khama \awng\ai rual neih te; Sakhaw dang laka inven dan tur inzirtirna rampum huapa neih rawtna te; Tleirawl kum 10 leh 18 inkar te hmeichhiate himna dan zirtirna neih te; Chhungkaw sum vawn leh enkawl chungchang inzirtirna neih bakah Presbyterian Synod Hospital Charity Fund atan leh he Damdawi In veka Eye Unit a hman tur Mit pressure chak lam enna (Non Contact Teno Meter) lei nan te, HIV/AIDS vei te enkawlna Grace Home leh Lunglei-a John William Hospital \anpui nan Thawhleh zan inkhawm zankhat \heuh thawhlawm pek nise tih te leh Faina leh thianghlimna kawngah ram pum huapa hma lak rawtna te pawm a ni.
Inrinni chawhnu lam khan kum 2017-2018 a Central Kohhran Hmeichhia hruaitu thlanna neih niin Chairman-ah K.Lalliantluangi; Vice Chairman-ah Lalnuntluangi; Secretary-ah H. Lalpianmawii; Asst. Secretary-ah Lalmuanzuali; Treasurer-ah Lalrinpuii leh Fin. Secretary- ah Lalbiakhluni te thlan an ni.
Report a\anga a lan danin Kohhran Hmeichhia hi Kohhran 818-ah dingin Member 1,72,655 an awm mek a, Member awm tamna ber Pastor bial, Ramhlun North bial-ah member 28,733 an awm laiin an tlemna ber Bangalore-ah chuan 38 chauh an awm thung a. Tun \uma khawmpui ah hian Palai inziaklut 9087 vel awmin inkhawmpui hi bialtu MLA, Chief Minister, Lal Thanhawla te nupa pawhin an rawn hmanpui a, Inkhawmpui lian hi kum 2019-ah Kolasib-a neih leh tura ruahman a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »