National Science Day-2017 pualin Govt. Serchhip College-ah hun hman a ni

Nimin khan Govt. Serchhip College Smart Class Room-ah 'National Science Day-2017' chu Govt. Serchhip College leh Mizoram Science Technology and Innovation Council (MISTIC) te \angkawp buatsaihin hman a ni.
Nimin a Govt. Serchhip College-a National Science Day puala inkhawm hi he College Principal, Lalhmangaiha Sailo chuan hawngin, Science thiamna avanga mihring ten remchanna kan hmuhchhuah tam tawh zia a sawi a, Science leh hmasawnna chu thil thuhmun sawina ang mai a nih thu sawiin, “Kan pi leh puten mumanga an man phak hauh loh tur thil tam tak keini an tu leh fate hian Science zarah kan kawl \euh tawh a ni” a ti a. National Science Day, Serchhip College-a hman a nih theihna tura thawktute zawng zawng chungah lawmthu sawiin, a thawhpui Science zirtirtu zawng zawngte chungah lawmthu a sawi bawk.
Nimin a National Science Day, Govt. Serchhip College-a hman hi C. Lalramliana, Co-ordinator, Celebration of National Science Day 2017 chuan a kaihruai a, Serchhip Town chhunga Model High School atana thlan Govt. Chhiahtlang High School, Govt. Serchhip High School leh Govt. PCR High School a zirlai naupangte leh Govt. Serchhip College-a Science zirlai naupangte leh sawm bik mi \henkhat te he hunah hian an tel a ni. National Science Day hi kum 1999 a\ang khan Thupui neia hman \hin a ni a, kumina he Ni thupui atan hian 'Rualbanlote tan Science & Technology' tih chu hman a ni a. He thupui behchhan hian Lalrintluanga Sailo, Asst. Professor, Department of Physics leh Dr. C. Vanlalnghaka, Asst. Professor, Department of Zoology ten he hunah hian thu an sawi a, Day hmang tura kalkhawm zirlai naupangte nen sawihona hun an hmang chhunzawm bawk a ni. 
National Science Day hi Indian Physicist lar Chandrashekhara Venkata Raman (CV. Raman tia hriat lar) in kum 1928 February ni 28-a Eng zung nihphung ril tak, “Raman Effect” tia hriat zui tak a haichhuah (discover) champha hriatreng nana kum 1987 a\anga hman t\n a ni a. Raman Effect avang hian kum 1929-ah Knighthood pek a ni a, kum 1930-ah Dr. CV. Raman-a hi Nobel Prize in Physics pek a ni leh a, kum 1954-ah India Civil mite chawimawina sang ber ‘Bharat Ratna’ (Jewel of India) pek a ni leh bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai