MZP in Aizawl-a Vishal Mega Mart hawn dodal tum

Mizo Zirlai Pawl (MZP) chuan Vishal Mega Mart chuan LRM Building Bawngkawn Aizawl-ah sumdawnna lian kalpui tumin an inbuatsaih mek nia sawiin, \halo an tih thu an sawi.
Nimin a thuchhuah an siamah MZP chuan Vishal Mega Mart hi thiam taka hnamdang sumdawng ten dan lova Mizoramah an sumdawnna tur nia sawiin, a neitute hi hnamdang sumdawng lian an nih thu an sawi a. Mizoram-ah dan anga an sumdawn hi phalloh a nih avangin Mizo hming hawhin Vishal Mega Mart hi hawn an tum a nih thu tarlangin, sumdawnna kawnga Mizo hnam in chimralna lian tak thlen thei tu tur nia an hriat thu leh Vishal Mega Mart hi Mizoram-ah a lo luh chuan hnamdang tan zalen taka sumdawnna kawng hawn a ni dawn niin an tarlang a. Hei hi kan ram leh hnam tana thil \ha lo tak a nih thu sawiin, “Mizoram-a Vishal Mega Mart hawn tum hi kan duh lova, Aizawl-ah Vishal Mega Mart hawn a nih loh nan hma kan la dawn a, hawn luih a nih chuan kan ram leh hnam him nan a dodal tlat dawn a ni,” an ti a. Hnamdang dan lova sumdawng dapchhuah kawng ah pawh hma an lak zel dawn thu an thuchhuah ah chuan an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai