Gauhati High Court, Aizawl Bench Building sa \an thuai dawn

Law and Judicial Minister, Lalsawta chuan Gauhati High Court, Aizawl Bench Building thar chu tun a\anga reilote ah sak \an thuai tum a ni tih House a hrilh.

Assembly Budget Session neih mekah nimin khan MNF Member Dr. K. Beichhua zawhna a channa ah Law Minister chuan, High Court building thar sakna atan hian nikum March ni 15 khan 1st Instalment cheng nuai 1471.90 chu DoNER Ministry hnuaia Non-Lapsable Central Pool of Resources a\anga hmuh a ni tih sawiin, tun a\anga reilote ah hna thawh \an thuai tum a ni tih a sawi. Gauhati High Court, Aizawl Bench hi Khatla-a New Secretariat Complex-a Mizoram Sorkar-in Raj Bhawan hmun atana a tih, Larsap awm tawh ten luah tlaka an ngai loh vanga hluihlawn tawhna hmunah sak a ni dawn a, a sakna tur lung hi tun thla ni 4 khan Chief Minister, Lal Thanhawla leh Gauhati High Court, Chief Justice, Ajit Singh-a'n an lo phum tawh a ni. High Court Building thar sak turah hian Block 4 - A, B, C leh D a awm dawn a, Block A, B leh C zau zawng belh khawm chu avaiin Square Metre 11612.98 a zau a ni dawn a, Block D pawh hi Square Metre 1885.95 a zau tur niin, a building hi Mizo pa chhiara chawng li tura ruahman a ni a. A sak nan hian cheng nuai 4624.12 ruahman a ni a, contractor atan North East Consultancy Services (NECS) thlan a ni.