Damdawi zuartu ten General Meeting neiin hruaitu thlang

Serchhip District Chemists and Drugists Association chuan nimin khan CMO Confe-rence Hall-ah General Meeting hruaitu thlanna an nei.
He hun hi an pawl President, V. Laldin-liana chuan kaihruaiin General Hqrs., Aizawl a\angin an President, R. Thanglura leh General Secretary, Jeffrey L. Fanai te chuan an rawn hmanpui a, Serchhip CMO, Dr. Laldawngliana Sailo leh Food and Drug-a Asst. Director, Sarah Laldintluangi te pawhin he hun hi an hmanpui a ni. He hunah hian Asst. Director, Sarah Laldin-tluangi chuan Awareness Campaign neiin he huna kalkhawmte fuihna thu a sawi a, damdawi zuar te chu mi hrang hrang, a te ber a\anga a lian ber thlengin an mamawh an nih avangin midangte tana malsawmna ni turin a fuih a ni.
Chawhnu lamah kum 2017-2019 chhunga an pawl hruaitu tur thlanna neiin President-ah V. Laldinliana, Vice President-ah Lalnunsiama Pachuau, Secretary-ah H. Lalramhluna, Asst. Secretary-ah Lalkailiana, Treasurer-ah Lalrem-sanga leh Fin. Secretary-ah Lalhmingmawii te thlan an ni. Nimin a he hun hmanna ah hian Serchhip District chhunga khaw hrang hrang a\angin member 80 vel an tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai