Tuichangral South Group YMA Conference zawhfel a ni

Tuichangral South Group YMA Confe-rence Vawi 45-na chu Zialung Community Hall, Biate-a neih chu nizan khan a \iak a, he Group YMA Conference hi Mizoram State Women Commission-a Chairperson, Vanlalawmpuii Chawngthu, MLA chuan khuallian niin a hman-pui a ni.
 Niminpiah a he Conferece hmanpuitu bialtu MLA, Vanlalawmpuii Chawngthu chuan Mizo \halai ten aia Upa te kan zahna kan lantir a ngai tih sawiin, “Mizo zia hi lantir nasat a \ul a. YMA Chhang a lo in hmang reng ka nih tawh angin, YMA Chhang din hi a pawimawhin a \ha hle a, Branch tinin kan din thar hi a \ha in ka hria,” a ti. A sawi zelna ah tunlai ah Social Media kan hmang nasa tawh tih sawiin, “Mizo \awng kan humhalh hi a pawimawh a, Mizo \awng dik hmang ila, hawrawp uluk tak chungin thu kan ziak \hin tur a ni. Tin, thil mawilo sawi nana "A va Zo" kan tifo te hi a dik lova, "ZO" tih hi a \ha lam sawi nan kan hman fo hi a \ul hle a ni,” a ti bawk.
Tuichangral South Group YMA Confe-rence-ah hian Dr. Rualkhuma Colney, Principal, Mizoram Law College chu khualzahawm niin Central YMA a\angin Vice President, Vanlal-ruata leh hruaitu dangte bakah Serchhip Sub-Hqrs. YMA a\angin Secretary, Lalrammawia leh Asst. Secretary, PC. Vanlalluna bakah SEC Member \hahnem takin an hmanpui a, Serchhip Sub-Hqrs. YMA hruaitute kaihhruaina hnuaiah hruaitu thar thlanna neiin President-ah R. Lalremkunga (Biate) chu thlan a ni bawk.
Tuichangral South Group YMA hi Ser-chhip Sub-Hqrs. YMA hnuaia Group YMA 3 te zinga pakhat a ni a, an Group hnuaiah hian YMA Branch 17 awmin Member Mipa 5,382 leh Hmeichhia 3,870, an vaiin 9,252 an awm mek a, tun \uma Conference ah hian Palai 450 vel an kal a ni.

Popular News

Mizoram-ah Faina Hapta hman \an leh a ni

Retailer bukna diklo 3 man