Latest News

Sub-Hqrs. YMA in Rorel Inkhawm neih dan tur duang

Sub-Hqrs. YMA chuan kumin atana Executive Committee \hutkhawm hmasa ber chu nimin khan neiin Sub-Hqrs. rorel Inkhawm neih tur chungchang bakah nungcha humhalhna kawnga hmalak dan tur an rel.
Serchhip Sub-Hqrs. YMA Executive Committee (SEC) Meeting, Sub-Hqrs. YMA Office-a neih hi an President, R. Sanghmingthanga chuan kaihruaiin YMA Dan Bu in Sub-Hqrs. YMA Conference neihloh kumah Rorel Inkhawm nei tura a tih angin kumin hi YMA Sub-Hqrs. Conference neihloh kum a nih avangin Rorel Inkhawm hi March 30, 2017-ah neih nise an ti a, a hmun atan Serchhip-a Auditorium chu beisei a ni. SEC \hukhawm chuan he Rorel Inkhawm ah hian chhun lamah Palai ten ro rel in zan lamah Variety Programme hman nise tiin, hetah hian YMA kumpuan hawnna neih nghal tur a ni anga, Programme \ul ang lo duang turin Sub-Hqrs. YMA Secretary, Lal-rammawia kaihhruaina hnuaiah Programme Committee an din nghal a. He Rorel Inkhawm a ngaihtuah tur Agenda bakah Member boral sun tur nei te chuan February thla ralhmain Sub-Hqrs.YMA Office-ah thehluh tur a ni ang.
Sub-Hqrs. Executive Committee \hukhawm chuan YMA ten luidung nungcha an humhalh lai lo khawih ching an awm leh tunhnaia Silai \ha tak tak hmanga Sava veh ching an awm chu pawi an tih thu sawiin, hemi chungchangah hian a theih anga hmalak nise an ti bawk a. Hmalak dan tur hrang hrang an duan zingah Sava veh \hin te man-chhuah hna thawk turin SEC Member te duty insiam nise, DFO hnenah hetianga Sava leh lui-dung nungcha man khapna thupek tichhuak tura hmalak te, Branch YMA tinin anmahni theih ang anga hmalak leh Media hrang hranga mipuite hnena ngenna leh zirtirna puangchhuakin, Ser-chhip District Rifles Association te thawhpuia sawm te pawh a tel a. Heng bakah hian YMA hmalakna turte pawh sawiho a ni bawk.

Comments

Popular News (Last 30 Days)