Serchhip-a Officers ten Property Returns zirhona an nei

Nimin khan Serchhip DC’s Conference Hall ah Serchhip District-a Group A leh Group B Officers chin zawng zawngte pualin Vigilance Department chuan ni khat awh tur Property Returns chungchang training an buatsaih a, he training hi District Bawrhsap, Dr. Lalrozama, IAS chuan a hawng a ni.
He training hawnna hunah hian Bawrhsap, Dr. Lalrozama, IAS chuan, “Sorkar kalphung a fel tual tual a, eirukna leh sum chheprelh thu ah phei chuan sorkar a fir tawh hle ,” a ti a, hei vang hian sorkar hnathawk ten dan ang taka an bungraw lei leh hralh thuah te phalna an laka, Vigilance Department lama in-report zel a ngai tih a sawi a. Chutiang tih dan rawn zirtir tura Vigilance Department mithiam ten Serchhip-ah ngei sorkar hnathawk te an rawn kalchilh chu lawmawm a tih thu sawiin, bel taka lo hriat ngei an tum a \ul thu a sawi bawk.
He training hawnna inkhawm tawi hi R. Vanrengpuia, SDO (Sadar) chuan kaihruaiin Vigilance Department a\anga lokal, Vanlalzuala Chhangte, Superintendent leh James Lal-chhuanawma, Assistant ten Officer kalkhawmte chu Property Returns fill-up dan chipchiar takin an zirtir a, an hriat chian loh leh zawhna an neih te sawihona hun an hmang nghal bawk. Vigilance Department hian tunlai hian sorkar hnathawk Officer chin zawng zawngte Property Returns hi an Department website-ah mipuite hmuh theih tura dahchhuah tumin hma an la mek bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai