Serchhip IOC Veng-ah Auto Rickshaw tlan lai kang

Nimin zing tuk\huan eikham, dar 8:00 vel khan Serchhip IOC Veng-ah Auto Rickshaw pakhat chu a tlan laiin a kang a, vanneihthlak takin mihring thi leh hliam an awmlo.

He Auto Rickshaw, Mz-06/1312 hi Khualluna, Ser-chhip Darnam Veng ami ta a ni a, Motor neitu hian khalhin nimin ah ramkalna atana hman a tum avangin tuk\huan eikham ah Petrol thunin a kal a, Petrol a thun zawh hnu hian Petrol Tanky chu chhin theihnghilhin Tanky chhin lovin a tlan a, Petrol fawk leh Motor engine bawr vel chu inman palhin hei hian a ti kang ta nia rin a ni. He Auto Rickshaw-ah hian a khalhtu chiah hi a chuang a, Motor hnung-lam chhunga a Engine chu a kangchhe hneh viau a, a hood pawh a zatve vel chu a kangchhe hneh hle bawk a, Fire Services te pun nghal niin a kan zawh hmain an \helh hman a ni.