Serchhip District-a zirna In 18 te zirchianna neih a ni dawn

Serchhip District chhunga zirna In 18 te dinhmun zirchianna tura hmalakna tur sawihona leh inzirtirna chu nimin khan Serchhip-ah neih a ni.
National Programme on School Standards and Evaluation (NPSSE) hnuaia Mission pakhat, ‘Shaala Siddhi’ chungchang inhrilhhriatna leh zirhona hi nimin chawhma dar 11:00 khan RMSA Serchhip District Project Office-ah neih a ni a, he hun hi PC. Vanlalluna, Dy. DPC, RMSA chuan kaihruaiin Shaala Siddhi hnuaiah hian zirchian turin Serchhip District chhunga Higher Secon-dary School 2, High School 5 leh Elementary School 11 te chu thlan an ni.
He hunah hian PC. Vanlalluna, Dy. DPC, RMSA chuan Shaala Siddhi chu Education Commission 1964-66 in rawtna alo neih zulzuia duan a nih thu sawiin, India rama zirna In hrang hrang zirchianna leh an dinhmun a\anga \ha lehzuala an kal theihna tura hmalakna tura rua-hman a nih thu a sawi a. Shaala Siddhi hnuaiah hian zirna In thlanbik te chu anmahni nihna dik tak hailanga hriat a tum dawn thu sawiin, an dinhmun \halo laite siamremin mumal leh felfai zawka an insiam\hatna turin kawng a kawhhmuh dawn tih a sawi bawk.
Shaala Siddhi hian tehkhawng 7 neiin heng tehkhawng te hi hlawm 7-ah \hen darh leh a ni a, heng tehkhawng hrang hrangte a\ang hian zirna In te dinhmun hi zirchian a ni dawn a, he zirchianna a\anga School dinhmun tarlan chu sorkar laipui-ah thehlutin heta \ang hian \ha lehzuala hma an lak theihna turin ruahmanna pawh siam a ni dawn a. Tuna ruahmanna ah chuan sum leh pai lama heng School te tana ham\hatna tur a awm hriat a ni lo.
Nimina zirhona hunah hian he ruahmanna hnuaia School thlanchhuah hrang hrangte a\angin zirtirtute an tel a, he hmalakna tura hriattur pawimawh hrang hrangte inhrilhhriat niin zawhfiah turte pawh inzawhfiah nghal a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man